Түркијәдә Зонгулдак вилајәтиндә шахтада партлајыш баш вериб.
Лент.аз-ын Түркијә мәтбуатына истинадән вердији мәлумата ҝөрә, әмәк вә сосиал мүдафиә назири Өмер Динчер дејиб ки, учгун алтында 25 шахтачы галыб.
Партлајышдан сонра шахтада електрик енержиси кәсилиб, мәдәнә енмәк үчүн истифадә едилән лифтдәки инсанлар да көмәксиз вәзијјәтдә галыблар. Даһа сонра електрик верилмәси бәрпа олунуб вә лифтдәки инсанлар чыхарылыблар. Түстүдән зәһәрләнән ишчиләр хәстәханаја јерләшдирилибләр.
Мәдәндә галан 25 ишчи илә дә әлагә сахланылыб вә онларын дурумларынын јахшы олдуғу өјрәнилиб. Өмәр Динчер һазырда мәдәндә галан шахтачыларын чыхарылмасына чалышдыгларыны сөјләјиб.
