Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: АБШ президенти Доналд Трамп Һөрмүз боғазынын мүһасирәсинин башладығыны иддиа едиб; елә бир аддым ки, експертләр буну дүнја енержи базары үчүн сон дәрәҹә рискли вә баһа баша ҝәлә биләҹәк бир тәһдид кими гијмәтләндирибләр.
Доналд Трамп бу ҝүн “Трутһ Соҹиал” сосиал шәбәкәсиндә Иранын дәниздән вә лиманлардан мүһасирәјә алынмасынын башладығыны ирәли сүрүб, һалбуки бу иддиа өтән һәфтә әлдә олунмуш атәшкәсин ачыг шәкилдә позулмасы сајылыр.
Иран Ислам Республикасына гаршы тәҹавүзкар мүһарибә дөврүндә Силаһлы Гүввәләр Һөрмүз боғазына там нәзарәтә малик олуб вә һазырда да бу нәзарәт давам едир. Бунунла белә, АБШ президенти бир даһа Иран дәниз гүввәләринин мәһв едилдијини иддиа едәрәк дејиб: Иранын дәниз гүввәләри дәнизин дибиндәдир вә тамамилә мәһв едилиб.
Исламабад данышыгларында өз һөкумәтинин тәләбләринин нәтиҹә вермәмәсиндән сонра о, һәдәләјәрәк билдириб ки, әҝәр Иран ҝәмиләриндән һәр һансы бири мүһасирә зонасына јахынлашса, дәрһал мәһв едиләҹәк.
Бу һәдәләр фонунда Ҹәнуби Корејанын кечмиш суалты гајыг забити вә Кореја Мүдафиә Анализи Институтунун тәдгигатчысы Ју Ҹи Һун, Иранын гаршылыг вермәк имканларына ҝөрә Һөрмүз боғазынын вә Иран лиманларынын мүһасирәсини “чох рискли” адландырыб.
ҸНБҸ телеканалы аналитикләрин фикринә истинад едәрәк хәбәр вериб ки, Һөрмүз боғазынын вә Иран лиманларынын мүһасирәси дүнја тарихинин ән ағыр енержи бөһраныны даһа да кәскинләшдирә биләр вә бу “сәһв һесабламанын” өлүмҹүл нәтиҹәләри барәдә хәбәрдарлыг едиб.
Sizin rəyiniz