Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Өтән һәфтәнин чәршәнбә ҝүнү сәһәри, Нимеји Шабан ҝеҹәси Лондонун Маида Вале шәһәриндәки Инҝилтәрә Ислам Мәркәзи гәсдән јандырма һүҹумуна мәруз галыб.
Һүҹум нәтиҹәсиндә мәркәзин китаб мағазасы вә парк едилмиш автомобил зәдәләниб. Полис бир кишинин "һәјаты тәһлүкәјә атмаг нијјәти илә јандырма" шүбһәси илә һәбс олундуғуну ачыглајыб.
Инҝилтәрә Ислам Мәркәзи үзвләри тәрәфиндән верилән ачыгламаја ҝөрә, һүҹум "Ислам әлејһинә нифрәт ҹинајәти" адландырылыб вә бу һадисәнин тәк бир һадисә олмадығы вурғуланыб. Билдирилиб ки, сон һәфтәләрдә мәркәз вә онун ибадәтҝаһлары әлләриндә сионист режимин вә Пәһләви режиминин бајрагларыны тутан јараглы үнсүрләр тәрәфиндән тәгиб вә һүҹумлара мәруз галыб.
Бәјанатда һадисәнин Бирминҝем вә Манчестер шәһәрләриндәки мәсҹидләрә гаршы мүсәлман әлејһинә бир сыра иғтишашлар вә зоракылыг актлары контекстиндә баш вердији, бу мүддәт әрзиндә гадын вә ушагларын да тәһдидләрә вә нифрәт долу тәһгирләрә мәруз галдығы билдирилиб.
Гејд едәк ки, бу тәһдидләрә ҹаваб олараг, Бирминҝем вә Манчестер шәһәрләриндән јајымланан ҝөрүнтүләр ҝөстәрир ки, бу шәһәрләрдәки шиәләр Ислам мәркәзләринин әтрафында вә Иран Ислам Республикасынын мүгәддәс бајрағы алтында иштирак етмәклә сионистләр вә хаинләр тәрәфиндән Ислам әлејһинә топлантылара гаршы дини мәканларыны дәстәкләјиб вә горујублар.
Sizin rəyiniz