Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Бу ҝүн, 09 Феврал 2026 тарихдә, Үмүдүнја Мүсәлманларынын Али Лидери, Имам Хаменеи Һәзрәтләри Ислам Ингилабынын Гәләбәсинин 47-ҹи илдөнүмү әрәфәсиндә Иран халгына үнванланан телевизија мүраҹиәти илә чыхыш едиб.
Бу чыхышын там мәтни ашағыдакы кимидир:
Бисмилләһир Раһмәнир Раһим
Һәр ил 22 Бәһмән Иран халгынын гүдрәтинин вә иззәтинин нүмајиш олундуғу ҝүндүр. Аллаһын лүтфү илә бу халг мотивасијалы, гәрарлы, мөһкәм ирадәли, гәдирбилән вә өз мәнафејини, зәрәрини таныјан бир халгдыр. Илк 22 Бәһмәндә Иран халгы бөјүк бир гәләбә газанды; өзүнү вә өлкәсини хариҹи мүдахиләдән хилас етди. О хариҹи гүввәләр бүтүн бу илләр әрзиндә даим әввәлки вәзијјәти бәрпа етмәјә чалышыблар.
Иран халгы мөһкәм дајаныб. Бу мөһкәмлијин символу 22 Бәһмәндир. Бу јүрүш дүнјада мисли-бәрабәри олмајан бир һадисәдир. Елә бир өлкә танымырыг ки, онилликләр кечмәсинә бахмајараг, һәр ил мүстәгиллик вә милли ҝүн мүнасибәтилә бүтүн өлкә үзрә бу гәдәр күтләви шәкилдә инсанлар күчәләрә чыхсын вә халг өз варлығыны бу шәкилдә нүмајиш етдирсин. Бу ҝүн Иран халгы күчәләрә чыхмагла өз ҝүҹүнү ҝөстәрир вә бу, Ислами Ирана, Ислам Республикасына вә бу халгын марагларына гаршы тамаһ бәсләјәнләри ҝери чәкилмәјә мәҹбур едир.
Милли ҝүҹ ракетләр вә тәјјарәләрдән даһа чох халгларын ирадәси вә мөһкәмлији илә бағлыдыр. Аллаһын лүтфү илә сиз мөһкәмлик ҝөстәрмисиниз вә өз ирадәнизи ортаја гојмусунуз. Мүхтәлиф вәзијјәтләрдә буну јенидән ҝөстәрин. Дүшмәни мәјус един. Дүшмән мәјус едилмәдикҹә, бир халг тәзјиг вә әзијјәтә мәруз галаҹаг. Дүшмән мүтләг мәјус олмалыдыр.
Дүшмәнин мәјуслуғу сизин бирлијиниздән, дүшүнҹә вә ирадәнизин ҝүҹүндән, мотивасијаныздан вә дүшмәнин вәсвәсәләри гаршысында мөһкәм дајанмағыныздан гајнагланыр. Милли ҝүҹү формалашдыран мәһз бунлардыр.
Иншаллаһ, ҝәнҹләримиз елм саһәсиндә, әмәли фәалијјәтдә, тәгвада вә әхлагда, мадди вә мәнәви тәрәггидә даһа да ирәли ҝедәҹәк, өлкә үчүн гүрур јарадаҹаглар. 22 Бәһмән бүтүн бунларын тәҹәссүмүдүр. Һамы күчәләрә чыхыр, шүарлар сәсләндирир, һәгигәтләри ифадә едир, һәмрәјлијини нүмајиш етдирир вә Иран Ислам Республикасына сәдагәтини бәјан едир.
Үмид едирик ки, иншаллаһ, бу илки 22 Бәһмән дә әввәлки илләр кими Иран халгынын әзәмәтини даһа да артыраҹаг вә диҝәр халглары, һөкумәтләри вә ҝүҹләри Иран халгы гаршысында тәвазөкар олмаға вадар едәҹәк. Иншаллаһ, белә дә олаҹаг.
Вәссәламу әлејкум вә Рәһмәтуллаһи вә Бәрәкатуһ
Sizin rəyiniz