Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: “The New York Times” АБШ-н бамбылы президенти Доналд Трампын Русија вә Украјна арасында сүлһ данышыгларындан тамамилә чыхмағы дүшүндүјүнү јазыб вә “Wall Street Journal”ын хәбәринә ҹаваб олараг әлавә едиб ки, Трамп Москваја гаршы санксијаларын сәртләшдирилмәсиндә мараглы дејил.
“The New York Times” јазыб ки, кечән һәфтә Русија президенти Владимир Путинлә телефон данышығындан сонра Трамп санки бир нечә Авропа өлкәсинин лидерләри илә сөһбәтләриндә данышыглардан чыхмаг нијјәтиндә олдуғу тәәссүратыны чатдырыб!
Рәсмиләрин сөзләринә ҝөрә, бу сөһбәт заманы Трамп “Путин галиб ҝәлдијини дүшүнәрәк, үстүнлүјүнү диктә едир” фикрини билдириб.
Рәсмиләр ону да әлавә едибләр ки, Трамп сөһбәт заманы “Русијаја гаршы игтисади санксијалары сәртләшдирмәк бир јана галсын,” она тәзјиг етмәк истәмәдијини ачыглајыб.
Мәсәлә илә таныш олан бир мәнбә The New York Times-а билдириб ки, “о, әсасән “Мәнә даһа ҝүвәнмә” деди.
Гәзет Трампын Украјнаја һәрби јардымы давам етдирмәјә һазыр олуб-олмадығыны ачыгламајыб.
“The New York Times” гәзетинин јаздығына ҝөрә, Украјнадакы мүһарибәни “Авропа мүһарибәси” кими характеризә едән Трамп Москванын бөһранын һәлли үчүн разылашманын әсас шәртләрини дәјишмәк истәмәдијини өјрәнәндә тәәҹҹүбләниб.
Русија вурғулајыб ки, истәнилән узунмүддәтли сүлһ Украјнанын нејтраллығы, тәрксилаһы вә де-насификасијасы, еләҹә дә Москва тәрәфиндән әлдә едилмиш әразиләрин танынмасы вә јени әрази реаллыгларынын гәбулу илә бағлы тәминатлардан ибарәт олмалыдыр.
Уолл Стрит даһа әввәл иддиа етмишди ки, Трамп сүлһ данышыгларындан һәдсиз јорулуб вә һазыркы сәјләр уғурсуз оларса, чох ҝүман ки, онлардан тамамилә узаглашаҹаг.
Гәзет ону да јазыб ки, Трамп Москваја гаршы јени санксијалар тәтбиг етмәји дүшүнүр.
Бамбылы Трамп ики ҝүн өнҹә, АБШ, сионист Исраил режими вә Инҝилтәрәнин Јәмәнә, Фәләстинә, Ирага, Ливана, Суријаја вә дүнјанын саир өлкәләринә гаршы һәјата кечиртдији дәһшәтли сојгырым вә һава һүҹумларыны санки унудараг Русијанын Украјнанын пајтахты Кијевә вә диҝәр шәһәрләрә дағыдыҹы һүҹумларындан сонра өзүнүн Трутһ Соҹиал сосиал медиа һесабында јазыб: "Мәним Владимир Путинлә һәмишә чох јахшы мүнасибәтим олуб, амма она нәсә олуб. О, тамамилә дәли олуб! Путин һеч бир сәбәб олмадан бу гәдәр инсаны өлдүрүр. Ракетләр вә пилотсуз тәјјарәләр Украјна шәһәрләринә һеч бир фәрг гојмадан вә сәбәбсиз јерә атылыр!”
Sizin rəyiniz