АБНА24 Хәбәр Верир, Ислам Ингилабынын Бөјүк Рәһбәринин офисинин информасија порталынын мәлуматына ҝөрә, бу мәрасимдә һөҹҹәтулислам вәлмүслимин Али етдији чыхышында, Һәзрәт Фатимеји Зәһра(с.ә)-ны дуа, зикр вә ибадәт бахымындан нүмунәви бир инсан кими дәјәрләндириб вә дејиб: "Танрынын үмуми лүтфү бүтүн варлыглары әһатә едир, лакин Аллаһын хүсуси лүтфү вә мәрһәмәти Онун дәрҝаһына еһтијаҹлы олдуғуну даһа чох бәјан едән вә јалваранлар үчүндүр". Һәмчинин, бу мәрасимдә һөҹҹәтулислам вәлмүслимин Насир Шәһиди нөвһә ханлыг едиб. Теһранда јерләшән Имам Хомејни(р.ә.) һүсејнијјәсиндә Һәзрәт Зәһра(с.ә)-ын әзадарлығы мәрасими Фатимијјә ҝүнләрилә бир вахтда ҹүмә ахшамындан башланыб. Һәр ил Имам Хомејни(р.ә) һүсејнијјәсиндә исмәт вә паклыг әһли-бејтинин(ә) ашигләринин издиһамлы иштиракы илә кечирилән Исламын бу бөјүк ханымынын әзадарлыг мәрасими, бу ил коронавирусун јајылмасы вә сәһијјә протоколларына, һәмчинин Коронавирусла Мүбаризә үзрә Милли Гәрарҝаһын төвсијәләринә риајәт етмәјин ваҹиблији сәбәбиндән инсанларын иштиракы олмадан кечирилир. Гејд едәк ки, 2021-ҹи ил јанварын 17-си, 1442-ҹи һиҹрије-гәмәри или ҹәмадиүс-сани ајынын үчү, Бөјүк Ислам Пејғәмбәри(с.ә.с)-ин әзиз гызы вә дүнја шиәләринин биринҹи имамы, Әмирәлмөминин Һәзрәт Әли ибн Әби Талиб(ә)-ын һәјат јолдашы Һәзрәт Фатимеји Зәһра(с.ә)-нын шәһадәтинин илдөнүмү ҝүнүдүр.
342/
