АБНА24 Хәбәр Верир, Һосејн Әмир Әбдоллаһијан бу ҝүн Бүнјад Һүсејновла ҝөрүшдә Иран Ислам Республикасынын Гарабағ мүнагишәси заманы Азәрбајҹан Республикасынын әрази бүтөвлүјүнә дәстәк вермәсинә ишарә едәрәк, үмидварлыг едибдир ки, бу мүнагишәнин битмәсилә бир заманда бөлҝәдә давамлы сүлһ вә асајиш бәргәрар олаҹаг. Әмир Әбдоллаһијан бу ҝөрүшүн давамында Иран вә Азәрбајҹан Республикасынын парламент һәмкарлыгларынын ҝүҹләндирилмәсини мүһүм адландырыб. Билдириб ки, Иран Ислам Республикасынын Ислами Шура Мәҹлиси/ парламент сәдрләри, парламент достлуг груплары вә хариҹи әлагәләр комиссијалары хүсусијјәт тәшкил етмәклә ихтисас комиссијалары сәдрләри дә дахил олмагла мүхтәлиф сәвијјәләрдә Азәрбајҹан Республикасы парламенти илә әлагәләрини ҝенишләндирмәјә һазырдыр. Иран парламенти сәдринин бејнәлхалг мәсәләләр үзрә хүсуси көмәкчиси һәмчинин Теһранла Бакы арасында игтисади әмәкдашлығын асанлашдырылмасы вә сүрәтләнмәсини дә тохунуб. Гејд едиб ки, өз игтисади мүнасибәтләр сәвијјәсини јүксәлтмәк үчүн бөјүк имканлара малик олан Иран вә Азәрбајҹан Республикасы онлардан ики халгын хејринә истифадә етмәлидирләр. Әмир Әбдоллаһијан даһа сонра сионист режимин Азәрбајҹан Республикасы әразисиндәки иштиракыны реҝионун сүлһ вә тәһлүкәсизлији илә тәзадлы адландырыб. Азәрбајҹан Республикасынын Теһрандакы сәфири дә бу ҝөрүшдә Азәрбајҹан Республикасынын әрази бүтөвлүјүнү дәстәкләдијинә ҝөрә Ирана өз миннәтдарлығыны билдириб. Үмидвар олдуғуну билдирибдир ки, ики өлкәнин парламентләри арасында мүхтәлиф сәвијјәләрдә апарылан данышыглар давам едәҹәк вә мөһкәмләнәҹәкдир. Иран вә Азәрбајҹан Республикасынын/ игтисади әмәкдашлыглар сәвијјәсини ҝүҹләндирмәк үзрә бирҝә лајиһәләринә ишарә едән Бүнјад Һүсејнов дејибдир ки, Иран кими гоншулар игтисади-тиҹари әлагәләрин ҝүҹләндирилмәси саһәсиндә рәсми Бакынын приоритетиндә дурурлар.
342/
