АБНА24 Хәбәр Верир, Иран вә Азәрбајҹан Республикасы арасында Игтисади, Тиҹарәт вә Һуманитар Әмәкдашлыг Комиссијасынын 14-ҹү иҹласынын 18 вә 19 јанвар тарихләриндә Теһранда олаҹағыны гејд едән Иран сәфири буну ики гоншу өлкә арасында игтисади әлагәләрин мөһкәмләндирилмәси үчүн ваҹиб адландырыб. Гејд едәк ки, Иран вә Азәрбајҹан Республикасы арасында кечирилән Игтисади, Тиҹарәт вә Һуманитар Әмәкдашлыг Комиссијасынын 13-ҹү иҹласы 2019-ҹу ил мартын 19-да Бакыда кечирилиб. Өлкәмизин сәфири Азәрбајҹан Республикасында бир Иран Тиҹарәт Палатасы јаратмаг планынын олдуғуну билдирәрәк дејиб: Бу бахымдан, Иран вә Азәрбајҹан Республикасынын Бирҝә Тиҹарәт Палатасынын сәмәрәли фәалијјәти үчүн дә сәјләр ҝөстәрилир. Мусәви әлавә едиб ки, Азәрбајҹан Республикасына ҝетмәкдән өнҹә бу өлкә илә һәмсәрһәд олан Иранын дөрд вилајәтинә сәфәр едиб, орада фәалијјәт ҝөстәрән саһибкарларла, тиҹарәт-сәнаје палаталарынын рәһбәрләри, еләҹә дә, Иран Тиҹарәт, Сәнаје, Мәдән вә Кәнд тәсәррүфаты Палатасынын рәһбәрлији илә ҝөрүшүб. Иран саһибкарлары Азәрбајҹан Республикасыјла әлагәләр гурмагда чох мараглы олдугларыны билдирибләр.
342/
