АБНА24 Хәбәр Верир, Сәид Хәтибзадә журналистләрлә кечирдији һәфтәлик брифингдә, Украјна тәјјарәсинин гәзаја уғрамасы барәдә дејиб: "Бу һадисәдә тәгсирләндирилән шәхсләрин мәһкәмә проседурлары изләнилир вә ганунлара ујғун олараг, ҹидди шәкилдә давам едир". Иранын Хариҹи Ишләр Назирлијинин сөзчүсү Иранын ураны 20 фаиз зәнҝинләшдирмәси илә бағлы Авропа Тројкасынын бәјанаты барәдә дејиб: "Бу өлкәләр нәинки өз өһдәликләринә әмәл етмәдиләр, һәмдә Әһатәли Мүштәрәк Тәшәббүс Програмынын позулмасында АБШ-ын ҹинајәт ортағыдырлар". Хәтибзадә Корејалы һејәтин Теһрана сәфәри барәдә исә дејиб: "Бу сәфәр Сеулун Теһрана олан борҹу илә әлагәдар һәјата кечирилиб, үстәлик Иранын Ҹәнуби Корејада дондурулмуш пуллары да ән тез бир заманда ҝери гајтарылмалыдыр". Хәтибзадә АБШ-ын Јәмән Әнсаруллаһына гаршы санксија тәтбиг етмә ҹәһләри барәдә дејиб: "АБШ-ын мүфлис һөкумәтинин өзүнүн сон ҝүнләриндә АБШ-ын имиҹинә даһа бир зәрбә ендирмәси вә бу өлкәнин мирасыны даһа да зәһәрләмәси һеч дә ҝөзләнилмәз дејил". Иран Хариҹи Ишләр Назирлијинин мәтбуат катиби, АБШ-ын Әл-Һәшдүш-Шәби Тәшкилатынын сәдри Фалиһ Әл- Фәјјаза гаршы санксија тәтбиг етмәсини гынајараг, әлавә едиб: "Бу мәсәлә ки, Ирагда тамамилә дөвләт бир гурумунун рәһбәри АБШ-ын шәр нијјәти вә санксијаларына туш ҝәлиб, АБШ-ын Гәрби Асија бөлҝәсиндәки хошаҝәлмәз вәзијјәтини ҝөстәрир". Иранын дипломатија апаратынын сөзчусу АБШ-дакы сон һадисәләр вә Трампын тәрәфдарларынын Конгресин бинасына дахил олмасына мүнасибәт билдирәркән дејиб: "АБШ-ын ән рүсвајшы һөкумәти Ағ Еви ән рүсвајчы шәкилдә тәрк едир; Бүтүн дүнјада АБШ һөкумдарлары тәрәфиндән бир чох ганлар наһаг јерә ахыдылыб вә бу өлкә рәсмиләри наһаг јерә төкдүкләри ганлар үчүн бир ҝүн ҹавабдеһ олмалыдырлар".
342/
