АБНА24 Хәбәр Верир, Моһәммәд Багер Галибаф мәҹлисин буҝүнкү пленар иҹласында сонра билдириб ки, Теһранын дүшмәнлә гаршылашмадакы әсас стратеҝијасы, санксијалары тәсирдән салмагдыр. О, сонра белә гејд едиб: "Нүвә анлашмасы Иран үчүн мүгәддәс бир анлашма дејил. Бу анлашма санксијалары арадан ҝөтүрмәк үчүн Иран Ислам Республикасынын гәбул етдији шәртләрлә ортаја гојулуб". АБШ-ын нүвә анлашмасына гајыдышынын Иран үчүн әһәмијјәтли олмадығыны вурғулајан Галибаф дејиб: "Иран үчүн санксијаларын практики вә дујулаҹаг дәрәҹәдә арадан галдырылмасы өнәм дашыјыр". Иран Ислам Шурасы Мәҹлисинин сәдри даһа сонра белә гејд едиб: "Теһран нүвә анлашмасындан чыхмағын ардынҹа олмадан, бу анлашманын мәтнинә әсасән, мүгабил тәрәфин өһдәликләринин иҹра олунмамасы гаршысында өз өһдәликләрини иҹра етмәмәк һаггына маликдир". Галибаф сөјләјиб: "Теһран нүвә анлашмасы чәрчивәсиндәки өһдәликләринә о заман әмәл едәҹәк ки, Иран Ислам Республикасы өз нефтини сата вә бу сатышдан әлдә олунан валјута илә рәсми банк механизми васитәсилә халгынын еһтијаҹларыны тәмин едә билмиш олсун".
342/
