АБНА24 Хәбәр Верир, Исфаһанын "Фулад Мобарәкә" ширкәтинин директор мүавини 10 киловатлыг "јүксәк ҝүҹлү" лазерин истилик сынағынын уғурла кечдијини бәјан едәрәк, дејиб: " Ҹари илин мај ајындан етибарән "Фулад Мобарәкә" ширкәтиндә бу лазер Алманијанын истеһсал етдији газ лазерләрини әвәз едәҹәк". Сејид Меһди Нәгәви әлавә едиб: "Фулад Мобарәкә" ширкәтинин оптик вә лазер сәрҝисиндә Иранын Лазер үзрә Елм вә Технолоҝија Мәркәзи илә "10 киловатлыг јүксәк ҝүҹлү вә фибер лазер"ләрин истеһсалы үзрә мүгавилә имзаладыг вә һазырда лазерин истилик сынағы уғурла баша чатыб вә Иран јүксәк ҝүҹлү лазерин истеһсалы ҝүҹүнә саһибдир. О, јүксәк ҝүҹлү лазерләрин истеһсалынын елм тәмәлли олдуғуну вә ән мүасир технолоҝијалара әсасландығыны вурғулајараг, әлавә едиб: "Әҝәр өлкәдә јүксәк ҝүҹлү лазерләрин истеһсалы реаллашмасајды, "Фулад Мобарәкә" ширкәтиндә сојуг мәһсулларын истеһсалы проблемлә үзләшәҹәкдир". Сејид Меһди Нәгәви лазери, сәнаједәки ән баһалы мәһсуллардан бири кими характеризә едиб вә дејиб: "Һазырда лазерлә ишләјән гајнаг вә кәсмә машынларынын истеһсалы үчүн зәмин јараныб".
342/
