АБНА24 Хәбәр Верир, Иран Ислам Ингилабы Кешикчиләри корпусу СЕПАҺ-ын дәниз гүввәләри бир билдириш јајараг, билдириб ки, Сәудијјә Әәрәбистанын Ҹубејл лиманындан Фарс көрфәзинә чыхан Ҹәнуби Корејаја мәхсус бир танкер дәниз еколоҝијасы ганунларыны дәфәләрлә поздуғу үчүн Ислам Ингилабы Кешикчиләри Корпусунун Һәрби Дәниз Гүввәләринин Биринҹи Бөлҝәсинин Зүлфигар Донанмасы тәрәфиндән сахланылыб. Билдиришдә әлавә олунуб: Ҹәнуби Кореја бајрағы алтында үзән "Һанкук Чејми" адлы танкер 7 мин 200 тон кимјәви нефт мәһсуллары дашыјырды. СЕПАҺ-ын дәниз гүввәләри ҝәминин екипаж үзвләринин Ҹәнуби Кореја, Вјетнам, Индонезија вә Мјанма вәтәндашы олдугларыны билдириб вә гејд едиб ки, Бу танкер сахланылдыгдан сонра Бәндәр-Аббас лиманына јан алыб, онлара гаршы ҹинајәт иши ачылыб вә гануни проседурлардан кечдикдән сонра Иранын мәһкәмә органларына тәһвил вериләҹәк. Билдиришдә гејд олунуб ки, бу танкерин сахланылмасы Иранын Лиманлар вә Дәнизчилик Тәшкилатинин истәји вә Һөрмүзҝан вилајәти прокурорлуғунун әмри илә һәјата кечирилиб.
342/
