АБНА24 Хәбәр Верир, Сәид Хәтибзадә бәзи ҝәрҝинликләрдә Сионист режимин мүттәфигләринин ролуна тохунараг, вурғулајыб: "Иран реҝионда ҝәрҝинлик ардынҹа дејил, Лакин сәрһәдләрини вә торпагларыны горумагда тәрәддүд етмир вә истәнилән тәҹавүзә бирбаша вә ачыг шәкилдә ҹаваб верәҹәкдир". Иран Хариҹи Ишләр Назирлијинин сөзчүсү, һәмчинин БМТ-нин иҹласына тохунараг, дејиб: "АБШ БМТ-дә Ирана гаршы һәрәкәтләриндә үчүнҹү дәфә мәғлуб олду. Бу мәсәлә Ағ Ев рәсмиләринин даһа да тәҹрид олдуғуну ҝөстәрир вә бу диҝәр бир фиаскодур". Хәтибзадә ҝенерал Сүлејманинин Ирагда террор едилмәси ишинин бирҝә тәгиби илә бағлы дејиб: "Бағдад бу иши тәгиб етмәлидир вә бир сыра тәдбирләр дә ҝөрүләҹәк". О, АБШ-ын јени сечилмиш президентинин милли тәһлүкәсизлик мүшавири Ҹәк Суливанын нүвә анлашмасына гајытдыгдан сонра Иранла ракет мәсәләсини мүзакирә едәҹәкләринә даир бу јахындакы ачыламасы һагда дејиб: "Иранын мүдафиә габилијјәти һеч вахт мүзакирә едилмәјиб, мүзакирә едилмир вә мүзакирә едилмәјәҹәк дә. Иранын мүдафиә габилијјәти Иранын еһтијаҹларына ујғун олараг, мүстәгил шәкилдә изләнилир. Бир дәфә Әһатәли Мүштәрәк Тәшәббүс Програмында вә 2231 сајлы гәтнамәдә бу мәсәлә гејд олунуб вә һәмишәлик һәлл олунубдур".
342/
