АБНА24 Хәбәр Верир, Суријанын пајтахты Дәмәшг шәһәри, хүсусән пак һәрәмләр сон ики ҝүн әрзиндә мүгавимәт сејјидушшуһәдасы- Һаҹ Гасем Солејманинин, һәмчинин Әбу Мәһди Әлмуһәндисин вә онларын бир груп силаһдашынын шәһадәтләринин илдөнүмү ҝүнү мәрасиминин кечирилмәсинин шаһидидир. Мәрасим иштиракчыларындан бири дејир: Биз, Сурија халгы үчүн/ Һаҹ Гасем мәзлумларын атасы иди. О, реҝионун мәзлум халгларынын һүгугларыны мүдафиә етмәк үчүн залым гүввәләрин гаршысында дајанды. О, гәлбләрин севимлисидир. Аллаһын ҝөндәрдији дүзҝүн инсанлардан иди. Имам Һусәјн(ә) јолунда гәдәм гојуб, ҹанфәшанлыг етмиш бөјүк командан иди. Һәзрәт Зејнәб(с.ә) мусәлласы да гәлбләрин сәркәрдәсинин шәһадәтинин илдөнүмү ҝүнү мәрасиминин шаһиди олубдур. Мәрасимин натигләри бу јүксәк дәрәҹәли шәһидин тәкфирчи ИШИД груплашмасынын арадан ҝөтүрүлмәсиндәки ролуну јүксәк дәјәрләндирдиләр. Суријадакы милли мүдафиә тәшкилатларындан биринин фәләстинли лидери Мәһәммәд Сәмарә дејиб: "Һаҹ Гасемин команданлығы алтында кечирилән Әбу Камал әмәлијјатында вурушдуг. Бу шәһәрин азад едилмәсиндән сонра дујдум ки, бу ҹүр мөмин шәхсләрин варлығы илә Фәләстинин азад едилмәси әлчатандыр". Мәрасимдә бүтүн өлкәләрдән олан мүгавимәт шәһидләринин, хүсусән Һаҹ Гасем Солејманинин тәрәфдарлары иштирак едибләр. Суријада гәлбләрин сәркәрдәси- Һаҹ Гасем Солејмани әсл командан кими јад едилир ки, террористләрә гаршы васитәчилик мүһарибәсиндә нәинки Ислами Иранын марагларыны һимајә едирди, һәм дә мүгавимәт ҹәбһәсини империалист ҹәбһәси үзәриндә тарихи гәләбәјә чатдырмаг үчүн команданлыг едирди.
342/
