АБНА24 Хәбәр Верир, Иран Ислам Республикасынын БМТ-дәки даими нүмајәндә һејәти ҹүмә ахшамы Тәһлүкәсизлик Шурасынын сәдри вә БМТ-нин баш катибинә мәктубунда бәјан едиб ки, Америка һәрбчиләринин Фарс Көрфәзиндә вә Оман дәнизиндәки һәрби авантүрасы, хүсусән сон һәфтәләрдә артыбдыр. Мәктубда дејилир: Америка сон бир нечә һәфтә әрзиндә Фарс Көрфәзинә модерн вә сон дәрәҹә мүрәккәб силаһлар ҝөндәрмәклә јанашы, бир сыра тәһрикедиҹи һәрби әмәлләрә дә әл атыб. Сон ҝүнләр узаг мәнзилли стратежи гырыҹы-бомбардманчы тәјјарәләрдән бир нечәсинин Фарс Көрфәзи үзәриндә һаваја галдырылмасы бу гәбилдәндир. Бу һәрәкәтләрлә паралел сурәтдә Америка рәсмиләри дә Иран Ислам Республикасына гаршы тәһрик вә тәһдид едиҹи бәјанатлар вермәји, әсассыз иттиһамлар ирәли сүрмәји вә сахта информасијалар тәгдим етмәји давам етдирибләр. Мәктубда сонра дејилир: Әҝәр бу милитарист һәрәкәтләр нәзарәтә алынмазса, ҝәрҝинлији хәбәрдарлыгедиҹи сәвијјәјә галдыра биләр вә тәбиидир ки, онун бүтүн нәтиҹәләринә ҝөрә, там мәсулијјәт Бирләшмиш Штатларын үзрәинә дүшәҹәкдир. Иранын БМТ-дәки нүмајәндә һејәти даһа сонра белә гејд едиб: Бу кими һәрби авантүранын БМТ-нин принсипләри вә мәгсәдләри илә тәзад тәшкил етмәсинә, һәмчинин реҝионал вә бејнәлхалг сүлһ вә тәһлүкәсизлик үзәриндә ҹидди тәсирә малик олмасына ҝөрә, Тәһлүкәсизлик Шурасындан Американы бејнәлхалг һүгугун принсип вә нормаларына садиг галмаға вә өзүнүн бу ганунсуз һәрәкәтләрини дајандырмаға вадар едәҹәји ҝөзләнилир.
342/
