АБНА24 Хәбәр Верир, декабрын 28-дән јанварын 4-дәк өлкә икинҹи ән јүксәк хәбәрдарлыг пилләси олан “нарынҹы зона” елан едилиб. Јени гајдалара әсасән, өлкәдә бүтүн тиҹарәт објектләринин фәалијјәти бәрпа олунуб, еләҹә дә шәһәр вә бәләдијјәләр арасында сәбәб ҝөстәрилмәдән сәфәр едилмәсинә иҹазә верилиб. Лакин јанварын 15-дәк хариҹдән Италијаја сәфәр едән һәр бир шәхс 14 ҝүнлүк өзүнүтәҹридлә һесаблашмалыдыр. Әһалисинин мүтләг әксәријјәтинин католикләрдән ибарәт олдуғу Италијада Милад бајрамы әсас аилә бајрамы һесаб едилир вә һөкумәтин Милад ҝүнләриндә тәтбиг етдији мәһдудијјәтләр инсанларын сых шәкилдә бир араја ҝәлмәсини, әсасән дә аһыл инсанларын сағламлығы үчүн тәһлүкәнин јаранмасы рискләрини азалтмагдан ибарәт иди. Бир чох Авропа өлкәси кими Италијада да декабрын 27-дә коронавируса гаршы ваксинасија кампанијасына старт верилиб. Диҝәр өлкәләрдә олдуғу кими, бурада да илк мәрһәләдә јүксәк риск групундан олан шәхсләр вә тибби һејәтә пејвәнд вурулаҹаг. Баш назир Ҹүзеппе Конте пејвәнд ҝүнүнү бүтүн гитә үчүн тарихи һадисә кими дәјәрләндириб. Бунунла белә Италијада коронавирусла бағлы вәзијјәт һәлә дә нараһатлыг доғурур. Декабрын 27-дә бу өлкәдә коронавирусла әлагәдар 305 өлүм һалы гејдә алыныб, пандемија башлајандан индијәдәк өлүм һалларынын сајы 71925 нәфәрә чатыб. Һазырда Италијада јарым милјон инсан ев шәраитиндә карантиндәдир.
342/
