АБНА24 Хәбәр Верир, АБШ президенти Доналд Трампын коронавируса мәхсус 2,3 трилјон долларлыг бүдҹәни имзаламагдан имтина етмәсини нәзәрә алараг, коронавирус епидемијасы сәбәбиндән иш јерләрини итирән, өзләри вә аиләләринин мәишәтини тәмин едә бимәјән милјонларла америкалы шәнбә ҝүнүндән етибарән ишсизлик сығортасы ала билмәјәҹәкләр. Мәлумата әсасән, бу лајиһә имза олунмазса, милјонларла федерал ишчи мәҹбури мәзунијјәтә ҝедәҹәк вә АБШ һөкумәтинин бөјүк бир һиссәси бағланаҹаг. Трамп елә бир һалда АБШ-дакы коронавирус ишсизләрини дәстәкләдијини иддиа едир ки, президентлик дөврүндә онларын һүгугларыны горумаг үчүн һәлә ҹидди бир гәрар вермәјиб. АБШ-да коронавирусун јајылмасындан бәри минләрлә ширкәт вә фабрика бағланыб. АБШ һазырда коронавируса јолухма вә өлүм һалларына ҝөрә, дүнјада лидердир. АБШ һөкумәти вә конкрет олараг, Трамп бу өлкәдә коронавирусун јајылмасы гаршысында мәсулијјәтсиз даврандығы үчүн кәскин шәкилдә тәнгид олунуб.
342/
