АБНА24 Хәбәр Верир, О һәзрәт дејибләр: Әзиз шәфгәт ишчиләри коронавирус дөврүндә ади шәраитдән даһа чәтин вә даһа изтираблы шәраитдә бөјүк бир иши гејдә алдырараг, һәгигәтән һејрәтләндириҹи сәһнәләр вә фәалијјәтләр сәрҝиләдиләр. Ислам Ингилабынын Бөјүк Рәһбәри Һәзрәт Ајәтуллаһулузма Хаменеи бу ҝүн Һәзрәт Зејнәби-Күбра(с.ә)-нын мөвлуд вә шәфгәт ишчиси ҝүнләри мүнасибәтилә ҹанлы телевизија чыхышында һәмин ҝүн мүнасибәтилә бүтүн шәфгәт ишчиләрини тәбрик едибләр. О һәзрәт һәмчинин коронавирус шәраитиндә шәфгәт ишчиси кими фәалијјәт ҝөстәрән әзизләрини итирмиш әзиз аиләләрә башсағлығы верибләр. Һәзрәт Ајәтуллаһулузма Хаменеи шәфгәт ишчисинин хәстәнин руһи асајишиндә вә физики ҹәһәтдән сағалмасындакы ролуна ишарә илә, белә сөјләјибләр: Хәстәнин физики ҹәһәтдән сағалмасы саһәсиндә шәфгәт ишчиси һәкимин јардымчысы вә шәрикидир вә һәким һәр нә гәдәр пешәкар вә баҹарыглы олмуш олса да шәфгәт ишчисинин олмамасы ҹисмани сағалманы проблемлә үзләшдирә биләр. Ислам Ингилабынын Бөјүк Рәһбәри сонра белә гејд едибләр: Шәфгәт ишчиси руһи јардым бахымындан да бир тәбәссүм вә ја меһрибанҹасына бир һәрәкәт вә сөзлә, әслиндә хәстәнин гәминә шәрик олараг, она руһијјә бәхш едир вә бу, јүксәк ислами дәјәрләрдән биридир. О һәзрәт шәфгәт ишчиләринин коронавирус дөврүндәки ишләринин, јолухма тәһлүкәси еһтималына ҝөрә, даһа чәтин вә даһа изтираблы олмасына ишарә илә дејибләр: Шәфгәт ишчиләринин бу мүддәтдә апардыглары мүбаризәләр онлары халгын ҝөзүндә һәмишәкиндән даһа әзиз вә даһа шәрәфли етди. Ислам Ингилабынын Бөјүк Рәһбәри өз чыхышларынын давамында мәсул шәхләрин шәфгәт ишчиләринин зәһмәтләри вә фәдакарлыглары гаршысындакы вәзифәләринә тохунараг, белә сөјләјибләр: Шәфгәт ишчиләринин ишә ҝөтүрүлмәләри зәрури вә чох јахшы ишләрдән олараг, ҹидди шәкилдә изләнилмәлидир. Белә ки, шәфгәт ишчиләринин вәзијјәти елә олмалыдыр ки, асудәликлә өз ишләрилә мәшғул, аиләләри дә онларын вәзијјәтиндән хатирҹәм олмуш олсунлар.
342/
