АБНА24 Хәбәр Верир, Ирагын Әл-Һәшдүш-Шәби тәшкилатынын рәиси "Фалеһ Әл-Фәјаз" бу ҝүн, шәнбә ҝүнү Ираг парламентиндә Ислам Ингилабы Кешикчиләри Корпусунун Гүдс гүввәләринин кечмиш команданы шәһид ҝенерал-лејтенант пасдар Гасем Солејмани вә Әл-Һәшдүш-Шәби тәшкилатынын рәисәвәзи Әбу Мәһди Әл-Мүһандисин биринҹи илдөнүм мүнасибәти илә кечирилән мәрасимдә дејиб: Бу ики бөјүк шәһид, Аллаһла әһдләринә садиг галан вә һәмин әһди јеринә јетирән инсанлар олублар. Әл-Һәшдүш-Шәби тәшкилатынын рәиси әлавә едиб: "Өлкәјә, мәгсәди уғрунда ҹанларындан кечмәјә һазыр олан белә инсанлар лазымдыр, вә бу ики шәһид командир гәһрәмандир". Ираг парламентинин сәдри Мәһәммәд әл-Һәлбуси дә мәрасимдә мүгавимәт командирләринин шәһадәтинә тохунараг дејиб: "Бу шәһидләрдән өјрәнмәли олдуғумуз ән бөјүк дәрс әлдә олунан зәфәри горумагдыр". Хатирладаг ки, Ираг рәсмиләринин рәсми дәвәти илә 3 јанвар Ҹүмә сәһәри Ирагада олан шәһид ҝенерал-лејтенант Солејмани, Әбу Мәһди Әл-Мүһандис вә даһа сәккиз нәфәр Ирагын Бағдад һава лиманы јахынлығында АБШ тәҹавүзкарлары вә террорчуларынын һава һүҹуму нәтиҹәсиндә шәһид олуб.
342/
