АБНА24 Хәбәр Верир, Сурија хариҹи ишләр назирлији Түркијәнин Суријанын халгы вә һакимијјәтинә гаршы һәрәкәтләрини, о ҹүмләдән бу өлкәнин шимал-шәргиндә јерләшән Һәсәкә вилајәтинин бир милјон нәфәрдән чох сакининин сујуну бир даһа кәсмәсини писләјиб. Сурија хариҹи ишләр назирлији БМТ-нин баш катиби вә Тәһлүкәсизлик Шурасынын сәдринә үнванладығы мәктубларда Һәсәкә вилајәтинин вә әтраф бөлҝәләрин бир милјон нәфәрдән чох сакининин сујунун Түркијә тәрәфиндән кәсилмәсини бејнәлхалг низамнамәләр вә ганунларын ашкар шәкилдә позулмасы адландырыб вә Тәһлүкәсизлик Шурасынын бу мәсәләјә дәрһал реаксија вермәсини истәјибдир. Сурија хариҹи ишләр назирлији бу мәктубларда Түркијәнин индијәдәк он једди дәфә белә аддым атдығыны гејд едиб вә бу һәрәкәтләри Анкаранын Дәмәшгә тәзјиг ҝөстәрмәк вә ондан баҹ алмаг үзрә сәји истигамәтиндә дәјәрләндириб. Түркијәнин һәрәкәтләрини писләјән Сурија хариҹи ишләр назирлији Тәһлүкәсизлик Шурасындан мәсәләјә дәрһал гаршымасы вә Анкараны бејнәлхалг ганунлара риајәт етмәјә мәҹбур етмәсини истәјиб. Түркијә вә онун һимајәси алтында олан террорчулар чохдандыр, Һәсәкә вилајәти сакинләринин ичмәли сујуну кәсибләр. Түркијә Суријадакы террор групларынын әсас һимајәдарларындандыр. Һазырда Суријанын шималындакы бәзи бөлҝәләр Түркијә ордусунун ишғалы алтындадырлар.
342/
