АБНА24 Хәбәр Верир, Ираг парламентинин Хариҹи Әлагәләр Комиссијасынын мүшавири Һатиф Әл-Рикаби "Әл-Мәлумә" хәбәр аҝентлији илә мүсаһибәдә дејиб: "Ирагын суверенлијини поздуғу вә уран силаһындан истифадә етдији үчүн АБШ-а гаршы Исвеч вә Алманија мәһкәмәләриндә иддиа галдырылаҹаг". Әл-Рикаби әлавә едиб: "Исвеч вә Алман мәһкәмәләриндәки шикајәтләр, АБШ-ын бејнәлхалг мәһкәмәләрдә ҹавабдеһлијини тәмин едәҹәк вә бу мәсәләдә ҝеҹикмәјә мане олаҹаг". Ираг рәсмиси Сәһијјә Назирлијиндән бу өлкәнин мүхтәлиф бөлҝәләриндә АБШ-ын бомбаламасы нәтиҹәсиндә дәјән хәсарәтләрин деталларыны елан етмәсини истәјиб. Индијәдәк, 1991 вә 2003-ҹү илләрдә Ирага гаршы мүһарибәләрдә АБШ ишғалчылары тәрәфиндән јүзләрлә тон зәифләнмиш урана малик дөјүш сурсатындан истифадә барәдә чохсајлы мәлуматлар дәрҹ едилиб вә мәлуматлы тибби мәнбәләри буну Ирагда хәрчәнҝин јајылмасы вә гүсурлу көрпәләрин доғулмасна сәбәб олдуғуну дејирләр. Мәлумата ҝөрә, Ирагын мүхтәлиф шәһәрләриндәки аиләләрин тәхминән 60 фаизи мүхтәлиф кимјәви вә уран чиркләндириҹиләриндән биринә мәруз галыб вә бу, Ираг үчүн бөјүк бир сағламлыг проблемидир.
342/
