АБНА24 Хәбәр Верир, Иран Ислам Республикасы Һәсән Руһани һөкумәтин Игтисади Координасија Шурасынын буҝүнкү иҹласында етдији чыхышында, Иранын ики мүһүм вә тәјинедиҹи фактор олараг, игтисади ҝүҹү вә баҹарығына тохунараг, дејиб: "Ирана гаршы игтисади мүһарибә хүсусилә халгымызын јашајышына бөјүк зијан вурмасына вә ҹидди тәсир етмәсинә бахмајараг, бу ҝүн Ирана гаршы санксија тәтбиг едәнләр вә Иран игтисадијјатынын гыса мүддәтдә чөкәҹәјини прогноз едәнләр елә бир һалда Ағ Еви тәрк едирләр ки, Иран халгы гејри-бәрабәр бир игтисади мүһарибәдән башыуҹа вә галиб ајрылараг, һәр заманкиндән даһа ҝүҹлү дајаныбдыр". Иран милләтинин санксијалар вә Доналд Трампын Теһрана гаршы һәртәрәфли игтисади мүһарибәси гаршысында мүгавимәтинин дүнјаја вә Иранын бүтүн бәдхаһларына бөјүк һәгигәтләри ҝөстәрдијини бәјан едән Руһани әлавә едиб: "Трамп, Иран Ислам Республикасынын имканларыны вә һәгигәтләрини әсла танымады вә өз иллүзијалары әсасында һәрәкәт етди". Иран Ислам Республикасы президенти гејд едиб ки, ики ил давам едән һәртәрәфли игтисади мүһарибәдән сонра Ағ Евин Иран халгы гаршысында мәғлубијјәти, һабелә бејнәлхалг сијасәтләринин ифласа уғрамасы, Трампын бу өлкә сечкиләриндәки мәғлуб олмасынын сәбәбләриндәндир. Руһани даһа сонра Иранын ҝәлән ил үчүн бүдҹә лајиһәсинин (1400-ҹү ҝүнәш или) өзәлликләринә тохунуб вә ҝәлән илин бүдҹә лајиһәсинин өлкәнин игтисади потенсиалына вә бејнәлхалг аренанын ҝерҝәкликләринә әсасландығыны, һәмчинин мәлуматларын вә дахили имканларын дәгиг анализи әсасында тәртиб едилдијини сөјләјиб.
342/
