АБНА24 Хәбәр Верир, Авропа Бирлији шәнбә ҝүнү Иранын дахили ишләринә гарышма маһијјәтли бир бәјанатда иддиа едиб ки, Руһоллаһ Зәмин мәһкәмә просеси әдаләтсиз олубдур. Руһоллаһ Зәм мәһкәмәдә етираф етди ки, әкс-ингилабчы вә ҹасуслуг хидмәтләри үчүн бир нечә ил ҹасуслуг едибдир. Онун һәрәкәтләриндән бир сырасы, јүксәк рүтбәли һәрби команданларын, хүсусән шәһид ҝенерал-лејтенант Солејманинин фәалијјәтләрини ачыгламаг вә зоракы гијам методларыны тәлим кечмәк олубдур. Авропа Бирлији өз бәјанатында белә бир кечмишә малик олан бир ҹасуса едам ҹәзасынын верилмәсини үздәнираг «рәһмсизҹәсинә вә гејри-инсани бир аддым» кими гәләмә верибдир. Иранын Ингилаб Мәһкәмәси Руһоллаһ Зәмә гаршы иттиһамлардан он үч һалы "فساد فیالارض"ин бариз нүмунәси һесаб едәрәк, ону едама мәһкум етди. Руһоллаһ Зәм шәнбә ҝүнү сәһәрчағы өз әмәлләринин ҹәзасыны алараг, дар ағаҹындан асылды. Авропа Бирлији елә бир һалда Иранын мәһкәмә апаратында бир иллик просеслә, ачыг-ашкар дәлилләр вә мөһкәм фактларла хаин бир шәхсә гаршы ҹәза һөкмүнүн иҹрасыны тәнгид едибдир ки, Иранын мүдафиә вә нүвә алими шәһид Моһсен Фәхризадәнин гәддарҹасына террор едилмәси барәдә индијәдәк һеч бир гәтијјәтли мөвге тутмајыб вә сүкута далыбдыр.
342/
