АБНА24 Хәбәр Верир, Мәһәммәд Ҹавад Зәриф өз рәсми "Тwиттер" сәһифәсиндә бир пајлашым едәрәк, јазыб: "Мүһарибәдән зәрәрчәкмиш бөлҝәләрин бәрпасы, шимал-ҹәнуб нәглијјат дәһлизи, Хәзәр дәнизи енержиси вә бир чох диҝәр мәсәләләр дахил икитәрәфли әһатәли әмәкдашлыгларын инкишаф етдирилмәси үчүн сәмәрәли данышыглар апарылды". Ҹејһун Бајрамова ев саһиблији етмәкдән мәмнунлуг ифадә едән Зәриф, Азәрбајҹан Республикасынын әрази бүтөвлүјүнүн бәрпа едилмәси вә дүшмәнчиликләрин сона чатмасыны алгышлајыб. Иран президент Һәсән Руһани дә Азәрбајҹан Республикасынын хариҹи ишләр назири илә дүнәнки ҝөрүшдә, Иранын Азәрбајҹанын ишғалдан азад едилмиш әразиләринин јенидән гурулмасында иштирак етмәјә һазыр олдуғуну билдириб вә гејд едиб ки, ики өлкәнин гоншу олмасы вә Ирандакы имканлары нәзәрә алараг, Иранын Азәрбајҹанын Гарабағ мүһарибәсиндән тәсирләнмиш бөлҝәләринин бәрпасында иштиракы һәр ики өлкәнин хејринә олаҹаг. Иран президенти, һәмчинин Теһран вә Бакы арасындакы мүгавиләләрә, о ҹүмләдән Астара-Рәшт дәмир јолу лајиһәсинә ишарә едәрәк, бу мүгавиләләрин һәјата кечирилмәсинин сүрәтләндирилмәсинин ваҹиблијини вурғулајыб вә дејиб: "Иран вә Азәрбајҹан Республикасы арасында разылашдырылмыш бирҝә әмәкдашлыг лајиһәләринин, о ҹүмләдән Худафәрин су бәнди вә електрик стансијасынын тикинтиси үчүн лазыми шәраит мөвҹуддур вә ики өлкә сәнаје, елм, әҹзачылыг вә диҝәр саһәләрдә әмәкдашлыгларыны даһа да инкишаф етдирә биләрләр".
342/
