АБНА24 Хәбәр Верир, Иран Ислам Республикасынын Ирагдакы сәфири Ирәҹ Мәсҹидинин мүраҹиәтиндә дејилир: "Шүбһәсиз Ираг һөкумәти вә халгынын, хүсусилә дә силаһлы гүввәләрин, о ҹүмләдән орду, федерал полис, террорла мүбаризә тәшкилаты, Һәшдүш-Шәби вә Пешмәрҝә гүввәләринин мүгавимәт вә дөзүмлүлүјү ИШИД үзәриндә гәләбәдә бөјүк рол ојнады. "Шәһид команданлар Һаҹы Гасим Сүлејмани вә Әбу Меһди Әл-Мүһәндис дә ИШИД террор груплашмасы илә һәртәрәфли мүбаризәдә вә онун үзәриндә гәләбә газанмагда мүһүм вә һәлледиҹи рол ојнадылар вә АБШ-ын бу ики бөјүк шәхсијјәти шәһид етмәклә төрәтдији ҹинајәт вә террор актынын сәбәбләриндән бири дә онларын бу груплашманын мәғлубијјәтиндәки роллары иди", - дејә И. Мәсҹиди әлавә едиб. Иранын Бағдаддакы сәфири бу мүраҹиәтдә, Ираг шиәләринин јүксәк дәрәҹәли тәглид мәрҹәји Ајәтуллаһ Систанијә ИШИД-лә мүбаризәдә бүтүн имканларын сәфәрбәр едилмәсинә сәбәб олдуғу үчүн тәшәккүр едиб вә гејд едиб ки, Иран Ислам Республикасы бир даһа дост вә гардаш Ираг халгы вә һөкумәтинә, терроризм илә мүбаризәдә онларын јанында олдуғу кими, һазырда да Иран халгына гаршы бүтүн залымҹасына санксијалара рәғмән, бу өлкәнин абадлашдырылмасы вә инкишафы үчүн бүтүн имканлары илә әмәкдашлыг вә көмәк етмәјә һазыр олдуғу вурғулајыр. Бу ҝүн декабрын 10-у Ирагын ИШИД террор груплшмасы үзәриндә гәләбәсинин үчүнҹү илдөнүмү ҝүнүдүр вә Ираг Назирләр Кабинетинин Катиблији бу мүнасибәти әзиз тутмаг үчүн сабаһ үмуми тәтил елан едиб.
342/
