АБНА24 Хәбәр Верир, Ираг Күрдүстаны бөлҝәсинин баш назири Мәсрур Барзани кечирдији мәтбуат конфрансында сон бир һәфтәдә Сүлејманијјәдә баш верән етиразларла бағлы дејиб: "Рәсми Әрбил халгын динҹ аксијалары илә һеч бир проблеми јохдур, лакин бу бөлҝә зоракы һәрәкәтләрин шаһидидир вә һеч кәс буну гәбул етмәз". Ираг Күрдүстанынын баш назири бу етиразларда хариҹи тәрәфләрин әлләринин олдуғуну вә етиразлары иғтишаша чевирдикәрини вурғулајыб. Бәрзани даһа сонра Ирагын мәркәзи һөкумәтини Күрдүстан Бөлҝәсиндә мааш бөһранынын һәллинә көмәк етмәјә чағырыб. Гејд едәк ки, Ирагын Сүлејманијјә вилајәти, кечән чәршәнбә ҝүнүндән (2 декабр) бәри халг етиразларынын шаһидидир. Етиразчылар ҝеҹикмиш маашларынын өдәнилмәсини тәләб едирләр. Сүлејманијјәдә етиразлар зоракылыгла мүшајиәт олунуб вә јерли мәнбәләрә ҝөрә, бир нечә етиразчы өлдүрүлүб вә јараланыб.
342/
