АБНА24 Хәбәр Верир, Сәид Хәтибзадә мүхбирләрлә виртуал шәкилдә кечирилән сөһбәтдә Алманија хариҹи ишләр назири Һајко Маасын нүвә анлашмасы барәдәки сон сөзләри илә бағлы билдирибдир ки, нүвә анлашмасы бир дәфә мүзакирә олунуб вә БМТ Тәһлүкәсизлик Шурасынын 2231 сајлы гәтнамәсиндә дәрҹ олунмуш мөвҹуд анлашма дәјишмәјәҹәкдир. Иранын дипломатија идарәсинин башчысы вурғулајыб: Нә Иран бир дәфә мүзакирә олунмуш мәсәләни бир дә мүзакирә етмәјәҹәк, нә дә ки, 2231 сајлы гәтнамәнин иҹбарилијиндән бир шеј азалмајаҹагдыр. Алманија хариҹи ишләр назири Һајко Маас Ағ Ев-ин сијасәтләрилә ејни истигамәтли бир ифадәдә дејибдир ки, Иранла/ Авропанын марагларыны тәмин едәҹәк әһатәли бир нүвә анлашмасына еһтијаҹ вар. «Авропа өз јери вә имканларыны танымалы вә мүнасибәтләринин һүдудларыны нәзәрә алмалыдыр» дејән Хәтибзадә билдириб ки, Авропа нүвә анлашмасындакы өһдәликләринә әмәл етмәјибдир. Иран Хариҹи Ишләр Назирлијинин сөзчүсү вурғулајыб ки, Иран өз милли тәһлүкәсизлији барәдә нә мүзакирә, нә дә ки, сазиш етмәјәҹәк. О, дејиб: Иран өз һүгуг вә мәсулијјәтләри илә танышдыр вә гаршы тәрәфин дә һүгуг вә мәсулијјәтләрини хатырладыбдыр. Иран Хариҹи Ишләр Назирлијинин рәсми нүмајәндәси тәкидлә билдириб: Максимум тәзјиглә әлдә олунмајан бир шеј, диҝәр үсулларла да әлдә олунмајаҹагдыр.
342/
