АБНА24 Хәбәр Верир, Фәләстин халгы илә бејнәлхалг һәмрәјлик ҝүнү илә бир заманда чәршәнбә ахшамы ҝүнү Нју-Јоркда, БМТ игамәтҝаһында бу тәшкилата үзв өлкәләрин нүмајәндәләринин иштиракы илә бир мәрасим кечирилиб. Иран Ислам Республикасынын президенти Һәсән Руһани чәршәнбә ахшамы ҝүнү БМТ Баш Ассамблејасына мүраҹиәтиндә 29 нојабрын Фәләстин әразиләринин гәсбкар сионист режим тәрәфиндән 70 илдән чох ишғалыны, бүтүн Фәләстин халгынын гуртармаг билмәјән әзаб-әзијјәтләрини, һәмчинин мәзлум Фәләстин халгына гаршы зүлм вә әдаләтсизлијин давам етмәсини хатырлатдығыны билдириб. О, вурғулајыб: Һәр ҝүн сионист режим тәрәфиндән фәләстинлиләрин сәһијјә јардымларына вә минимум тибби еһтијаҹлара әлчатанлыгдан мәһрум вә онлара гаршы мәһдудијјәтин тәтбиг едилмәләри вә коронавирус пандемијасы шәраитиндә Гәззә әһалисинә гаршы инсан һагларына зидд санксијаларын давам етмәси вә мәзлум Фәләстин халгынынын шәһид едилмәси вә илһаг планы да дахил олмагла мүтәшәккил ҹинајәтләр, расист вә тәҹавүзкар сијасәтләрин даһа артыг шаһиди олуруг. Руһани сонра тәгрибән беш милјон фәләстинлинин дидәрҝин дүшмәси, Шәрги Гүдсдә вә гәрб саһилиндә сионист гәсәбәләрин салынмасы јолу илә ишғалчылығын ҝенишләнмәси, фәләстинлиләрә гаршы ирги тәмизләмә вә Гәззә золағынын залымҹасына мүһасирәсини Фәләстинин ишғалынын кәдәрли нәтиҹәләриндән адландырыб вә белә гејд едиб: Сионист режимин Гүдси-Шәрифи јәһудиләшдирмәк саһәсиндәки һәрәкәтләринин шиддәтләнмәси вә фәләстинлиләрин һүгугларына тәҹавүз елә бир һалда һәјата кечирилир ки, бу бөлҝәнин вәзијјәти ҝениш сионист гәсәбә салмалара вә гејри-јәһуди сакинләри зорла көчүрмәјә ҝөрә, олдугҹа тәһлүкәли мигјас алыбдыр. Руһани бу мүраҹиәтдә даһа сонра билдириб: Сионист режимин бу рәфтары әслиндә Бејтулмугәддәсин ислами вә тарихи символларыны позмаг вә ону јәһудиләшдирмәк, бүтүн Фәләстин әразиләринә јијәләнмәк вә фәләстинлиләрин гајыдыш һаггына мане олмаг мәгсәдини ҝүдүр вә бир даһа бу режимин фәләстинлиләрин әразиләрини даһа артыг ишғал етмәк вә онларын һаглы һүгугларына мәһәл гојмамаг үзрә расист нијјәтләрини үзә чыхарыр. Иран Ислам Республикасынын президенти вурғулајыб Иран Ислам Республикасы бу гәнаәтдәдир ки, бу һәрәкәтләр нәинки ишғал олунмуш әразиләрдә вәзијјәтин даһа да ағырлашмасына сәбәб олаҹаг, һәм дә ҝениш реҝионал вә бејнәлхалг нәтиҹәләрә дә ҝәтириб чыхараҹагдыр. Руһани сонра билдириб: Сионист режим БМТ Тәһлүкәсизлик Шурасынын даими үзвү олан бәзи өлкәләрин һимајәләринә малик олдуғуна ҝөрә, һәр ҝүн өзүнүн фәләстинлиләрә гаршы инсанлыға сығмајан һәрәкәтләр даирәсини ҝенишләндирир вә күтләви гырғын силаһларынын истеһсалы үзрә мәхфи план, һәмчинин Суријаја вә Ливана гаршы тәҹавүз хүсусијјәт тәшкил етмәклә Јахын Шәрг бөлҝәсиндә тәҹавүзкар сијасәтләр вә һәрәкәтләрлә бу бөлҝәнин һәр јериндә сүлһ вә сабитлији тәһлүкәјә салыбдыр. Иран Ислам Республикасынын президенти билдириб: Иран Ислам Республикасы Фәләстин халгынын ниҹатвериҹи вә инсани амалына олан өз һәртәрәфли дәстәјинин давам етдирилмәсинә тәкид етмәк вә сионист режимин ишғалчылыглары вә тәҹавүзләринә гаршы фәләстинлиләрин гануни вә тәгдирәлајиг мүгавимәтләринә јүксәк гијмәт вермәклә дүнја иҹтимаијјәтини БМТ-нин чох сајда гәтнамәләринин маддәләри вә инсан һагларынын позуҹусу, һәмчинин ушаг гатили олан сионист режимин һәрәкәтләрилә мүбаризәјә чағырыр. Руһани даһа сонра вурғулајыб: Иран Ислам Республикасы сионист режимин/ бу режимин әсирлијиндә олан фәләстинлиләри, хүсусән гадын вә ушаглары гырғын етмәк, еләҹә дә Гәззә золағынын мүһасирәсини давам етдирмәк, әсрин сөвдәләшмәси вә илһаг планы үзрә сон һәрәкәтләрини писләјир вә ислами өлкәләрин вә дүнја иҹтимаијјәтинин бу залымҹасына мүһасирәјә сон гојулмасы истигамәтиндә тәҹили тәдбирләр ҝөрмәләри ваҹиблијинә тәкид едир, һабелә Фәләстин мәсәләсинин һәллини ганунсуз сионист режимлә мүнасибәтләрин адиләшдирилмәсиндә дејил, ислами өлкәләрин вә бејнәлхалг иҹтимаијјәтин бирлијиндә вә бу режимин инсан һагларына зидд вә тәҹавүзкар сијасәтләрилә мүбаризә үчүн гәтијјәтли аддымларын атылмасында ҝөрүр.
342/
