АБНА24 Хәбәр Верир, Ермәнистанын инҹәсәнәт хадимләриндән онларла нәфәр бу ҝүн өтән ики ҝүндә олдуғу кими Ирәван күчәләринә чыхараг, аксија кечириб. Онлар Ермәнистан һөкумәтинин Гарабағ савашы әсирләри вә ҹәсәдләринин көчүрүлмәси илә бағлы мәсәләләрин һәлли саһәсиндәки фәалијјәтини тәнгид едибләр. Аксијачылар һәмчинин АТӘТ-ин Минск групунун һәмсәдрләри олан өлкәләр кими Русија, АБШ вә Франсанын сәфирликләринә мәктублар тәгдим едәрәк, Гарабағ савашы әсирләри вә ҹәсәдләринин көчүрүлмәси мәсәләсинин һәллинә тәкид едибләр. Дүнән дә Ермәнистан халгы бу өлкә һөкумәтилә Азәрбајҹан Республикасы вә Русија арасында Гарабағ сүлһ разылашмасынын имзаланмасына етираз олараг, аксија кечирди. Аксијачылар Ермәнистанын баш назири Никол Пашинјанын истефа вермәси вә бу өлкәдә јени бир һөкумәтин тәшкил едилмәсини истәјибләр. Ермәнистан пајтахтындакы етиразлар нојабрын ону ҝеҹәсиндән вә Ермәнистанын баш назири, һәмчинин Азәрбајҹан Республикасы вә Русијанын президентләри тәрәфиндән Гарабағда атәшкәс барәдә үчтәрәфли бәјанатын имзаланмасындан сонра башланыбдыр. Бу разылашмаја әсасән, Ермәнистан вә Азәрбајҹан Республикасынын һәрбчиләри арасында ҝедән сон дөјүшләрдә Азәрбајҹан Республикасынын ордусу тәрәфиндән Гарабағда азад едилмиш рајонларын нәзарәти бу республикаја верилди вә Ханкәнди истисна олмагла диҝәр ишғал алтында олан әразиләр дә заман ҹәдвәли әсасында Азәрбајҹана тәһвил верилди.
342/
