АБНА24 Хәбәр Верир, дүнән (29 нојабр) ҝеҹә мәлуматлы тәһлүкәсизлик мәнбәји Сәлаһәддин әјаләтиндәки Әл-Синија нефт емалы заводунда јанғын олдуғуну, ракетин заводун нефт танкерләриндән биринә дүшдүјүнү сөјләјиб. Хәбәрин јајылмасындан бир нечә саат сонра ИШИД террор груплашмасы һүҹума ҝөрә мәсулијјәти өз үзәринә ҝөтүрүб. Ираг хиласетмә груплары јанғынын гаршысыны алмаға мүвәффәг олублар вә јанғынсөндүрмә просеси баша чатдыгдан сонра бу ҝүн нефт емалы заводунун фәалијјәтини бәрпа етмәси планлашдырылыр. Хатырладаг ки, јүксәк рүтбәли Ираг тәһлүкәсизлик мәнбәләри кечән һәфтә ИШИД террорчуларынын Ирагын беш вилајәтиндә террор әмәлијјатлары планлашдырдыгларыны вә чохлу сајда интиһарчы-террорчунун Кәркүк вилајәтинин ҹәнуб-гәрбиндәки Әл-Һавиҹә бөлҝәсинә дахил олдугларыны билдирмишди. ИШИД командирләри Әнбар вилајәтинин Әл-Сәрсәр бөлҝәсиндә мүһүм топланты кечирәрәк, тәһлүкәсизлик гүввәләринә вә Әл-Һашдуш-Шәби вә Әнбар, Нејнәва, Нәҹәф, Дијала вә Кәркүк вилајәтләриндәки көчәриләрә һүҹум етмәји планлашдырыблар. ИШИД командирләри, үзвләринә тәһлүкәсизлик гүввәләри илә гаршылашмадан әмәлијјатларыны ҝизли вә бир ҝеҹәдә апармағы тапшырыб. Террорчуларын јени вә инкишаф етмиш снајпер түфәнҝләри дә вар. Ики илдән артыгдыр ки, ИШИД террорчулары артыг Ираг гүввәләри илә бирбаша тәмасда олмур вә бир ҝеҹәдә әмәлијјатлар апарырлар.
342/
