АБНА24 Хәбәр Верир, Автомобил Јоллары Дөвләт Аҝентлијинин Мәтбуат хидмәтинин рәһбәри Анар Нәҹәфли бу һагда билдириб ки, јени гурулаҹаг јол Һорадиз-Минҹиван-Ермәнистан сәрһәди автомобил јолудур. Онун сөзләринә ҝөрә, Һаҹыгабулдан Һорадиз истигамәтиндә икинҹи дәрәҹәли јол јенидән гурулуб вә нормал вәзијјәтдәдир. Һорадиздән Ермәнистан сәрһәдинә гәдәр автомобил јолу исә торпаглар ишғал алтында оларкән дағыдылыб вә бәрбад вәзијјәтә салыныб. Әразидә јени јолун тикинтисинә еһтијаҹ вар. Лајиһәләндирмә баша чатандан сонра аидијјәти гурумлара тәгдим едиләҹәк. Лајиһә тәсдиг олунандан сонра иншаат ишләринә башлана биләр. А. Нәҹәфли дејиб ки, бу јол һәмчинин ҝәләҹәкдә Ермәнистан сәрһәдиндән Нахчыван истигамәтинә дә чәкилә биләр.
342/
