АБНА24 Хәбәр Верир, Фәләстин Ислами Мүгавимәт Һәрәкаты (ҺӘМАС) Гәзза мүһарибәсинин сәккизинҹи илдөнүмү вә Әл-Гәссам бригадалары командирләриндән Әһмәд Әл-Ҹәбринин өлдүрүлмәси илә әлагәдар вердији ачыгламасында мүгавимәтин Фәләстини азад етмәк үчүн һәр заманкиндән даһа һазыр олдуғуну вурғулајараг дејиб: "Сәккиз ил әввәл Тәл-Әвиви һәдәфә алан мүгавимәт бу ҝүн даһа да ҝүҹләнди вә торпаглары азад етмәк јолуну давам етдирмәк үчүн даһа һазыр вә исрарлыдыр вә ишғал едилән бүтүн торпаглары азад етмәк вә ишғалчыны бүтүн Фәләстиндән говмаг мәгсәдиндән һеч вахт ҝери чәкилмәјәҹәк". ҺӘМАС милли бирлијин стратежи сечим олдуғуну вә мүхтәлиф ҹәбһәләрдә гуртулуш дөјүшүндә бирлик бәрпа олунана гәдәр динҹәлмәјәҹәјини билдириб. ҺӘМАС ишғалчы режимин һәбсханаларындакы гәһрәман мәһбуслары да саламлајыб вә мүгавимәтин онларын азадлыға бурахылмасы мөвзусундакы гәтијјәтини бир даһа вурғулајыб.
342/
