АБНА24 Хәбәр Верир, Моһәммәд Багер Галибаф бу ҝүн АБШ сечкиләриндән сонракы олајлара ишарә илә/ дејиб: Американын игтисади, сијаси, иҹтимаи вә гурулуш проблемләри олдуғу кими дүнјанын иҹтимаи фикринин гаршысында сәрҝиләнди вә бу ҝүнүн реал тәсвири/ Американын тәнәззүлә ҝедән просесини дүнја мәзлумларынын ҝөзләри өнүндә нүмајиш етдирди. Шәхсләрин дәјишдирилмәсинин Американын Иран гаршысындакы сијасәтләринә һеч бир тәсир ҝөстәрмәјәҹәјинә тохунан Галибаф дејиб: Иран үчүн јалныз Ҹо Бајден һөкумәтинин реал аддымлары мүһүмдүр вә иранлы шрикәтләрин дүнја илә тиҹарәти, банк фәалијјәтләри вә нефт сатышы просесинин адиләшмәсини әмәлдә мүшаһидә едә билмәк лазымдыр. Иран Ислам Шурасы Мәҹлисинин сәдри һәмчинин билдириб ки, Атом Енержиси үзрә Бејнәлхалг Аҝентлијин ардыҹыл һесабатларына әсасән, Иран Ислам Республикасы өзүнүн бүтүн өһдәликләрини там шәкилдә иҹра едибдир. О, дејиб: Әҝәр Бајден доғрудан да нүвә анлашмасына инанырса, һеч бир өншәрт олмадан јеринә јетирилмәмиш өһдәликләри иҹра етмәли вә Америка һөкумәтинин өһдәликләринин јеринә јетирилмәмәсиндән Иран халгына дәјмиш бирнечәиллик хәсарәтләрин әвәзини чыхмалыдыр.
342/
