АБНА24 Хәбәр Верир, Владимир Путин дејиб: "Русија Федерасијасы Гарабағ мүнагишәси үзрә Ермәнистан вә Азәрбајҹанла әлагәдәдир. Рәсми Москва үмид едир ки, бүтүн тәрәфләри гане едәҹәк нәтиҹәләрә наил олмаг мүмкүн олаҹаг. Вә Русија Ҹәнуби Гафгазда мүнагишәнин тезликлә баша чатмасы үчүн мүмкүн олан һәр шеји едир. Онун сөзләринә ҝөрә, Гарабағдакы вәзијјәт силаһа әл атмадан динҹ јолла һәлл етмәк мүмкүн иди. Гејд едәк ки, Русијанын икинҹи Гарабағ мүһарибәсиндә нејтрал мөвге сәрҝиләмәси Ермәнистан үчүн ҝөзләнилмәз олуб. Ермәни рәсмиләр Азәрбајҹанын һүҹума кечәҹәји тәгдирдә, Русијанын буну әнҝәлләјәҹәјини дүшүнүрдүләр. Лакин онларын бу прогнозу өзүнү доғрултмады вә Русија дөвләт башчысы сон ҝүнләр Ермәнистан баш назиринин мәктубуна ҹавабда билдирди ки, мүһарибәнин јалныз Ермәнистан әразисинә кечәҹәји тәгдирдә бу дөвләт өз өһдәликләрини јеринә јетирәҹәк вә мүттәфигинин мүдафиәсинә галхаҹагдыр. Бу мәөвге рәсми Ирәваны гане етмир.
342/
