АБНА24 Хәбәр Верир, АПА хәбәр аҝентлији билдирибдир ки, Ислам Ингилабынын Бөјүк Рәһбәри бир телевизија чыхышында Ермәнистанла Азәрбајҹан Республикасы арасында ҝедән сон мүһарибәјә ишарә едиб вә бу мәсәләнин реҝионун тәһлүкәсизлијини һәдәләјән кәдәрли бир һадисә олдуғуну вурғулајараг, дејибдир ки, һәмин һәрби дөјүшләр тез бир заманда битмәлидир. Әлбәттә, Азәрбајҹан Республикасынын Ермәнистан тәрәфиндән әлә кечирилмиш бүтүн торпаглары азад олараг Азәрбајҹана гајытмалыдыр. Чох сајда изләјиҹиси олан русдилли «Һаггын.аз» хәбәр порталы да јазыб: Һәзрәт Ајәтуллаһ Хаменеи вурғулајыбдыр ки, Ермәнистан ишғал олунмуш бүтүн әразиләри Азәрбајҹан Республикасына ҝери гајтармалыдыр. «Бакы-Хәбәр» вә «Јени Мүсават» гәзетләри, «Репорт» вә «Стратег.аз» хәбәр порталлары да өз мәлуматларында охшар мәтләбләр јајыблар. Һәмчинин Туран информасија аҝентлији јазыб: Ислам Ингилабынын Бөјүк Рәһбәри рәсми шәкилдә танынмыш бејнәлхалг сәрһәдләрә һөрмәтин өнәмини вурғулајараг, билдирибдир ки, террорчулар Иран сәрһәдләринә јахынлашмамалыдырлар. Һәзрәт Ајәтуллаһ Хаменеи вурғулајыб: Әҝәр террорчулар Иран сәрһәдинә јахынлашарларса, онларла гәтијјәтлә рәфтар едиләҹәк. Азәрбајҹан Республикасынын телеканаллары, о сырадан АТВ, Спаҹе, АРБ, ИТВ дә өз информасија мәлуматларында Ислам Ингилабынын Бөјүк Рәһбәринин Гарабағ мүнагишәсинин һәлли барәдәки чыхышыны вә Ермәнистан гүввәләринин Азәрбајҹан Республикасынын ишғал олунмуш әразиләриндән чыхмасына тәкид етмәсини ишыгландырыблар. Түркијәнин Анадолу хәбәр аҝентлији дә Ислам Ингилабынын Бөјүк Рәһбәринин бәјанатыны әкс етдирәрәк, јазыбдыр ки, Ингилаб Рәһбәри Иранла гоншу олан ики өлкә арасындакы савашы кәдәрли бир һадисә адландырыб вә онун гыса бир заманда баша чатмасыны истәјибдир.
342/
