АБНА24 Хәбәр Верир, Иран Хариҹи Ишләр Назирлијинин мәтбуат катиби Сәид Хәтибзадә дүнән ҝеҹә бир Твиттдә јазыб: "Гара дүшүнҹә вә әлләри ҝүнаһсыз инсанларын ганына буланмыш террорчулар вә онларын тәрәфдарлары, Әфганыстанын ҝәләҹәјини вә өвладларынын пак ҹаныны һәдәф алыблар". "Иран екстремизм вә Ифратшылыға гаршы һәртәрәфли мүбаризәдә Әфганыстан дөвләти вә халгынын јанындадыр", - дејә Хәтибзадә әлавә едиб. Гејд едәк ки, нојабрын 2-дә Әфганыстанда силаһлы шәхсләр тәрәфиндән Кабил Университетинә һүҹум едилиб. Әфганыстанын Дахили Ишләр Назирлијиндән верилән мәлумата ҝөрә, 3 силаһлы шәхс Университетин Һүгуг факүлтәсинин јерләшдији бинаја һүҹум едиб нәтиҹәдә 22 нәфәр өлүб, ән азы 40 нәфәр јараланыб. Һүҹумда өлән вә јаралананларын чоху тәләбәләрдән олуб. ИШИД террор тәшкилаты һүҹумун мәсулијјәтини өз үзәринә ҝөтүрүб. Һүҹумун мәсулијјәтини Талибан өз үзәринә ҝөтүрмәсә дә, Әфганыстанын биринҹи витсе-президенти Әмруллаһ Салеһ Талибаны ҹинајәтдә ҝүнаһландырыб.
342/
