АБНА24 Хәбәр Верир, Насһир Неwс“ платформасында јерләшдирилән мәлуматда “хилафәтин әсҝәри“нин Австрија пајтахтында тәхминән 30 нәфәрин өлүмү вә јараланмасы илә нәтиҹәләнән һүҹум һәјата кечирдији гејд едилиб. “Телеграм“ месаж хидмәтиндә фәалијјәт ҝөстәрән каналлардан бириндә дә террорчу тәшкилат һадисәјә ҝөрә мәсулијјәти өз үзәринә ҝөтүрдүјүнү елан едиб. Австријанын рәсми гурумлары бу бәјанатын нә дәрәҹәдә һәгигәтә ујғун олдуғу вә архасында тәсдигләјиҹи фактларын дајандығына даир һеч бир ачыглама вермәјибләр. Јахын Шәрг үзрә експерт вә политолог Томас Шмидингер АПА-ја вердији ачыгламада билдириб ки, суи-гәсдчи ИШИД ”бренд”и алтында террор актыны төрәтсә дә, бөјүк еһтималла ону тәкбашына һазырлајыб вә һәјата кечириб. Експерт һәмчинин билдириб ки, индијәдәк әлдә едилән истинтаг дәлилләри ҹинајәтин ИШИД мәркәзиндә һазырланмасы вә ја Вјанада террор актынын төрәдилмәсинә даир тапшырығын верилмәсини ҝүман етмәјә әсас вермир. Бунунла белә зәрәрсизләшдирилән террорчунун ИШИД-лә әлагәләрини һазыркы һалда истисна етмәк дә мүмкүн дејил. Т. Шмидингерин сөзләринә ҝөрә, истинтаг һәрәкәтләринин ҝедишатында һәм бу мәсәләјә, һәм дә террорчунун сосиал чеврәсинә даир мәсәләләрә ајдынлыг ҝәләҹәк. Иран Ислам Республикасы Хариҹи Ишләр Назирлијинин сөзчүсү Сәид Хәтибзадә Вјанда төрәдилән террор һүҹумуну писләјәрәк, терроризмлә әсаслы шәкилдә мүбаризәдә дүнја иҹтимаијјәтинин анлашмасы вә әмәкдашлығыны ваҹиблијини вурғулајыб.
342/
