АБНА24 Хәбәр Верир, АБШ-да ҹари илдә кечириләҹәк президент сечкиләри јахынлашдыгҹа, Трамп администрасијасынын сијасәтләринә гаршы етиразлар артыб вә бу ҝүн сәһәр саатларында Шимали Каролинада федерал гүввәләр әдаләтсизлик вә иргчилијә гаршы аксија кечирәнләрә һүҹум едәрәк, онлары дағытмаг үчүн бибәр газындан истифадә едибләр. Нју-Јорк шәһәринин Манһеттен бөлҝәсиндә минләрлә етиразчы АБШ президентинин сијасәтләринә етираз олараг, аксија кечириб. Һәмчинин, Пенсилванија штатынын ән бөјүк шәһәри олан Филаделфија да дүнән бу өлкәдә отурушмуш иргчилијә гаршы нүамјишләрин шаһиди иди. АБШ-ын мүхтәлиф шәһәрләриндә әмин-амансызлығын ҝенишләнмәси илә, "НБҸ" хәбәр каналы јүксәк вәзифәли бир һүгуг-мүһафизә рәсмисинә истинадән Ағ Ев әтрафында тәһлүкәсизлик тәдбирләринин ҝүҹләнмәсиндән хәбәр вериб. Америка ҹәмијјәтиндә мөвҹуд ҝәрҝин атмосферә бахмајараг, бу өлкә президентлијинә ики намизәд, һеч бир һәдди-һүдуд танымадан, сәс газанмаг үчүн бир-бирләринә гаршы истәнилән иттиһамы ирәли сүрмәкдән чәкинмирләр. Ејни заманда Доналд Трамп бир твиттдә јенидән Бајдени Чинин сатын алдығы вә она пул вердији коррупсионер сијасәтчи адландырыб. АБШ президент сечкиләринә демократларын намизәди олан Ҹо Бајден Трампын еркән гәләбә еланына реаксија олараг, хәбәрдарлыг едиб ки, чәршәнбә ахшамы сечкиләриндә Трампа гәләбә елан етмәсинә иҹазә вермәјәҹәк. АБШ-да президент сечкиләри ҹари ил нојабрын 3-дә кечириләҹәк.
342/
