АБНА24 Хәбәр Верир, Түркијәнин Фөвгәладә Һалларын Идарә Олунмасы Аҝентлији (АФАД) дағынтылар алтындан јени ҹәназәләрин тапылмасы илә бу өлкәнин Измир шәһәриндәки сон зәлзәләдә өләнләрин сајынын 76 нәфәрә чатдығыны билдириб. АФАД-дан билдирилиб ки, зәлзәләдән хәсарәт аланларын сајы да 962 нәфәрә чатыб. Иран Ислам Республикасы президенти Һәсән Руһани октјабрын 31-дә Түркијә президенти Рәҹәб Тајјиб Әрдоғана үнванладығы мүраҹиәтдә, бу өлкәнин Измир шәһәриндә инсан тәләфаты вә дағынтыларла нәтиҹәләнән дәһшәтли зәлзәләдән тәәссүфләндијини билдирәрәк, Аллаһ тәаладан һәлак оланларын аиләләринә сәбир, јаралылара исә тәҹили шәфа диләјиб". Руһани, һәмчинин Иран Ислам Республикасы һөкумәтинин зәрәрчәкмишләрә һәртәрәфли јардым ҝөстәрмәјә һазыр олдуғуну билдирәрәк, ән тез бир заманда тәсирләнән бөлҝәләрдә тәһлүкәсиз шәраитин бәрпа едилмәсинә үмидварлыг ифадә едиб.
342/
