Әһли Бејт - АБНА – Хәбәр Аҝентлијинин вердији хәбәрә әсасән, сон он илликләрдә Шәргдә мүсәлманлара гаршы апарылан сијасәтдә Сәудијјәнин бир дөвләт олараг Америка, Исраил режими илә вә бу мөвгедә олан диҝәр дөвләтләрлә һәмаһәнҝ олмасы һәмчинин ИШИД-ин ән бөјүк дәстәкчиси олмасы вә бүтүн бунлары сон һадисәләрдә ҝизләтмәдән ачыг-ајдын ортаја гојмасы илә там олараг ајдын олур ки, бу режимин өзүнү Мәккә вә Мәдинә кими Ислам бешији олан шәһәрләрин мүдафиәчиси кими ҝөстәрмәси бош бир мифдән ибарәтдир.
Рәсмән 7000-ә гәдәр һаҹынын онларын сәһләнкарлығы уҹбатындан һәјатларыны итирмәсиндән сонра да онларын һеч олмаса, заһири олараг да нараһатлыг кечирмәмәләри вә һөрмәтли Ислам алими Шәһид Шејх Нимрин едам етмәләри – онларын һәгиги сифәтини дүнјаја ҝөстәрмиш олду.
Мәккә кими мүгәддәс шәһәрин белә бир ҹинајәткар сүлаләнин әлиндә олмасы Ислам аләмини нараһат едир. Доктор Рәһимпур Әзғәди бу барә чыхыш едәрәк бу мүггәдәс шәһәрин онларын әлиндә олмасына өз етиразыны билдириб.
"Али Сәуд режими Гәрб империализминин Ислам дүнјасынын синәсиндә мөһкәмләнмәсинин, һәҹҹ ајинләринин тәһриф олунмасынын, Ибраһим һәҹҹинин Америка һәҹҹинә чеврилмәсинин әсас сәбәбкарыдыр. Бәзи мәнтәгә өлкәләринин ҝери галмасынын, вәһши террорун сәһнәјә ҝәлмәсинин, Ираг, Сурија вә Јәмән дахил олмагла мүсәлман өлкәләринин дағыдылмасынын да әсил ҝүнаһкары Сәудијјә Әрәбистаныдыр!
Өтән ил Минада бир нечә саат әрзиндә 7 мин һаҹы һәлак олду. Һәзрәт Ибраһимдән (әлејһи сәлам) сонра белә бир фаҹиә баш вермәјиб. Әрбәиндә Кәрбәлаја 15-20 милјон зәввар јүзләрлә километр јол ҝедир. Имам Рзанын (әлејһи сәлам) һәрәминә 3-4 милјон зәввар пијада јол гәт едир. Амма һеч бир фаҹиә баш вермир. Һәҹдә тәһлүкәсизлик Ҝ4С адлы инҝилис-исраил ширкәтинә тапшырылыб. Нәтиҹә ҝөз габағындадыр!"
Диггәт: Хәбәрдән истифадә етдикдә мәнбәјә истинад лазымдыр
