Әһли Бејт - АБНА – Хәбәр Аҝентлијинин вердији хәбәрә әсасән, Ајәтуллаһ Вәһид Хорасани ИИР президент апаратынын сәдри Муһәммәд Нәһавәндијан илә ҝөрүшдә президент Доктор Руһанијә саламларынын чатдырылмасыны истәјәрәк онун үч ил әрзиндә чыкдији зәһмәтләрә ҝөрә, өз тәшәккүрүнү билдириб.
ИИР дөвләти вә мәсул шәхсләри үчүн дуа едән Ајәтуллаһ Вәһид Хорасани билдириб: “Әҝәр бүтүн ишләрдә мәгсәдиниз Аллаһ Тәала вә Имам Заман (Аллаһ онун шәрәфли ҝәлишини тезләшдирсин) һәзрәтләринин разылығын газанмаг оларса һеч шүбһә етмәјин ки, һәр бир ишдә мүвәффәг олаҹагсыныз!”
Али Тәглид Мәрҹәси даһа сонра дејиб: “Халга хејр нијјәти илә хидмәт едиб вә Әһли Бејтин (әлејһимус сәлам) разылығын газанмаг Ислам Дөвләтинин әсас үсулларындан биридир. Вә мүтләг дөвләтин бүтүн програмларында буна риајәт олунмалыдыр. Әҝәр мәсул шәхсләр Аллаһ Тәала вә Имам Заманла (Аллаһ онун шәрәфли ҝәлишини тезләшдирсин) олан әлагәләрини даһа да ҝүҹләндирсәләр мүтләг бүтүн проблемләрә гәләбә чалаҹаг вә асанлыгла һәлл едәҹәкләр. Һеч бир проблем бу ики кәлмәнин (Аллаһ Тәала вә Имам Заман) мүгабилиндә таб ҝәтирә билмәз.”
Диггәт: Хәбәрдән истифадә етдикдә мәнбәјә истинад лазымдыр
