Әһли Бејт - АБНА – Хәбәр Аҝентлијинин вердији хәбәрә әсасән, Аилә, Гадын вә Ушаг Проблемләри үзрә Дөвләт Комитәсинин Информасија вә Аналитик Арашдырмалар шөбәсиндән верилән мәлуматда билдирилиб ки, 2016-ҹы илин 6 ајы әрзиндә Азәрбајҹанда 110 гадын, 28 ушаг интиһар едиб.
2016-ҹы илин I јарым или үзрә республика әразисиндә баш вермиш јол-нәглијјат һадисәләри нәтиҹәсиндә исә 72 гадын вә 19 ушаг өлүб.
2016-ҹы илин 6 ајында гадынлара гаршы төрәдилмиш ҹинајәтләрин 2563-ү ачылыб, 482-си бағлы галыб.
Интиһар һалларынын статистикасы вә интиһары доғуран сәбәбләрлә бағлы Тибб Университетинин профессору, Азәрбајҹан Психиатрија Ассосиасијасынын президенти Надир Исмајылов билдириб ки, сон илләрдә Азәрбајҹанда интиһар 4-5 дәфә артыб: "Әввәлләр бу дәрәҹәдә дејилди. Сәбәб сосиал-игтисади проблемләрдир. Инсанлар да чох һәссас олуб, кимин хәтринә бир балаҹа дәјирсән, аффект вәзијјәтә дүшүр".
Н.Исмајылов дејиб ки, дөвләт өлкәдә сосиал саһәдә инкишафа наил олмалы, һүгугу дуруму вә демократијаны ҝүҹләндирмәлидир: "Интиһарларла мәшғул олан мәркәзә еһтијаҹ вар, бу саһәдә тәһгигат апарылмалы вә нәтиҹәләр иҹтимаијјәтә чатдырылмалыдыр".
Диггәт: Хәбәрдән истифадә етдикдә мәнбәјә истинад лазымдыр
