ӘһлиБејт - АБНА – ХәбәрАҝентлији- АјәтуллаһТаһаНәҹәфи, Нәҹәфи-әшрәфинјашыкечмишгоҹаарифләриндәниди. О өмрү боју шәхси ишләриндән өтәри бир дәфә дә олсун гәзәбләнмәмишди. Өмрүнүн ахырларында достлары онун һеч олмаса бир дәфә гәзәбләнмәсини ҝөрмәк үчүн ону имтаһан етмәк гәрарына ҝәлирләр. Бу иши етмәк үчүн онун арвадыны васитә едир вә ондан истәјирләр ки, бир дәфә ағанын дәстәмаз афтафасыны долдурмасын. Бәлкә, һәмишә афтафасыны долу ҝөрән ариф бу дәфә бош ҝөрдүкдә әсәбләшә!
Гадын да афтафаны долдурмамагдан әлавә гујунун ипини дә ведрәдән ачыр, афтафаны вә ведрәни һәјәтин бир күнҹүнә атыр. Аға дәстәмаз алмаг үчүн мүталиә отағындан чөлә чыхыр, амма афтафаны тапмыр. Һәјат јолдашындан сорушдугда ондан бу ҹавабы ешидир: "Мән сизин афтафанызын замини дејиләм".
Аға бир тәһәр афтафаны тапыр, ону долдурмаг үчүн гују башына ҝәлир, амма ипин вә ведрәнинин дә олмадығыны ҝөрүр. Нәһајәт, ип вә ведрәни дә ахтарыб тапыр. Ведрәни ипә бағлајыб гујуја атыр. Сују јухары чәкдикдә өзүнү сахлаја билмәјиб, бәрк ағламаға башлајыр.
Узагдан арифин һәрәкәтләрини изләјән гадын онун ағламағына дөзә билмир вә ҝәлиб ведрәни өзү гујудан чәкиб чыхарыр. Гадын елә билир ки, әри ондан интигам ала билмәдији үчүн әсәбиндән ағлајыр. Имтаһанын нәтиҹә вермәсини ҝүман едиб севинән гадын әриндән сорушур: "Нә үчүн ағлајырдын?" Ајәтуллаһ Таһа Нәҹәфи онун ҹавабында дејир: "Бу вахта гәдәр бир афтафанын долдрулмасы үчүн бу гәдәр мүгәддимә лазым олдуғуну билмәмишәм. Мән бу мәсәләдән гафил олдуғумдан индијә кими сәнә зүлм етмишәм. Инди дә ағлајырам ки, Аллаһын гаршысында сәнә етдијим бу гәдәр зүлмүн ҹавабыны неҹә верәҹәјәм".
Диггәт: Хәбәрдән истифадә етдикдә мәнбәјә истинад лазымдыр
