Әһли Бејт - АБНА – Хәбәр Аҝентлијинин вердији хәбәрә әсасән, Үмүмдүнја Мүсәлманларынын Али Лидери Ајәтуллаһ Хаменеи 22 Август 2016 тарихдә, Дүнја Мәсҹидләр Ҝүнү мүнасибәтилә Теһран әјаләтинин Мәсҹид имамларыны гәбул едиб.
Ҝөрүшдә Мәсҹидин мәдәни мүгавимәт вә иҹтимаи фәалијјәт мәркәзи олдуғуну гејд едән Имам Хаменеи һәзрәтләри, Ислам тарихиндә Мәсҹидин мүһүм сијаси, сосиал вә һәрби мәсәләләр һаггында мәшвәрәт, әмәкдашлыг вә гәрар гәбулетмә мәркәзи кими ролуну вурғулајыб.
Ајәтуллаһ Хаменеи Дүнја Мәсҹидләр Ҝүнүнүн мүәјјәнләшдирилмәси һаггында исә "сионист режими тәрәфиндән Әгса Мәсҹидинә од вурулдуғу үчүн вә Исраилә гаршы Ислам үммәтинин мүбаризә апармасы мәгсәди илә Иран Ислам Республикасынын исрары илә Ислам әмәкдашлыг Тәшкилатында бу ҝүн "Дүнја Мәсҹидләр Ҝүнү" кими тәсдиг олунду", - сөзләрини дилә ҝәтириб.
Имам Хаменеи, һәмчинин "Ислам Ингилабы"нын тәсири илә АБШ-ын Гәрби Асијада (ред: Јахын Шәргдә) зәифләдијини бәјан едәрәк, "Әҝәр милләтин иманы вә Ислама бағлылығы олмасајды, Иран да башгалары кими Америка вә гејри-Американын чәтири алтына ҝирмиш оларды, буна ҝөрә онлар халгын иманына гаршы дәрин әдавәт вә кин бәсләјир", - дејә вурғулајыб.
Али Дини Лидер залым вә әзазил гүввәләрин ҝенишмигјаслы, ачыг вә ја ҝизли дүшмәнчиликләринә бахмајараг, Ислам Республикасынын һәр кечән ҝүн даһа да ҝүҹләндијини вә халгын иман вә бирлијилә гәрбин мәнфур аддымларынын боша чыхаҹағыны гејд едиб.
Диггәт: Хәбәрдән истифадә етдикдә мәнбәјә истинад лазымдыр
