Әһли Бејт - АБНА – Хәбәр Аҝентлијинин вердији хәбәрә әсасән, Азәрбајҹан Ислам Партијасынын лидери Мөвсүм Сәмәдов сентјабр ајынын 26-дә кечирилмәси нәзәрдә тутулан референдум сечкиләри илә бағлы мөвгејини ачыглајыб. Бу барәдә “ИсламинСеси”нә Доктор Сәмәдовун вәкили Јалчын Иманов мәлумат вериб.
Мүвәккили илә бу ҝүн Гобустан Гапалы Типли Ҹәза Ҹәкмә мүәссисәсиндә ҝөрүшән Јалчын Иманов, АИП лидеринин референдумла бағлы мөвгејини ачыгладығыны сөјләјиб. Мөвсүм Сәмәдовун вәкили тәрәфиндән јазылы формада редаксијамыза дахил олан мөвгејини охуҹуларымыза тәгдим едирик.
“Халгымызын нараһатлығына сәбәб олан сентјабрын 26-да Конститусијада дәјишикликләрлә бағлы кечириләҹәк референдум һәлә дә ҝүндәмдәдир вә јенә дә әсас мүзакирә мөвзуларындан биридир. Тәәссүфләр олсун ки, бу мүһүм вә талејүклү мәсәлә һәлә дә халгдан хәбәрсиз сахланылараг иҹтимаи мүзакирәјә чыхарылмыр. Ана Гануна тәклиф олунмуш 30-а јахын дәјшикликләрдән бир һиссәси даһа чох диггәти ҹәлб едир. Онлардан президентлик мүддәтинин 5 илдән, 7 илә галдырылмасы, витсе-презиндентлик институнун јарадылмасы, президентин парламенти бурахмасы, нөвбәдәнкәнар президент сечкиләринин тәјин едилмәси, президентлик вә депутатлыг үчүн јаш мәһдудијјәтләринин галдырылмасыны гејд едә биләрик. Бу дәјишикликләрдән хүсусән јухарыда гејд етдикләримиз мөвҹуд конститусијанын өзү илә дә зиддијәт тәшкил едир. Президентә ММ-и бурахмаг сәлаһијјәтинин верилмәси һүгуги дөвләтин тәмәлини суал алтына алыр. Чүнки ганунвериҹилик һакимијјәти илә иҹра һакимијјәти јалныз вә јалныз гануна табедир вә һакимијјәтин һәр бир голу өз-өзлүјүндә мүстәгилдир, бири диҝәринә нисбәтдә јалныз тәнзимләјиҹи рол ојнајыр. Презиндентә јени сәлаһијјәтләрин верилмәси фактики олараг бу механизимин позулмасына сәбәб олур вә бу да һүгуги дөвләтин принсип вә консепсијасына зиддир вә белә олан һалда онсуз да формал характер дашыјан парламент өз фәалијјәтиндә атрофијаја уғрајараг гејри-функсионал вәзијјәтә дүшмүш олур.
Референдум актынын лаһијәсиндә јени витсе-президентлик институтунун јарадылмасы нәзәрдә тутулур вә ҝөстәрилир ки, Азәрбајҹан Республикасынын биринҹи витсе-президенти вә витсе-президентләри Азәрбајҹан Республикасы президенти тәрәфиндән вәзифәјә тәјин олунур вә вәзифәдән азад олунур. Халг тәрәфиндән сечилмәјән вә һеч бир мандатла тәмин олунмајан бу салаһијјәтиләрин иҹра едилмәси Азәрбајҹан Республикасынын конститусијасынын диҝәр маддәсинә зиддир. Һәмин маддәдә дејилир ки, Азәрбајҹан Республикасында дөвләт һакимијјәтинин јеҝанә мәнбәји Азәрбајҹан халгыдыр. Јәни јалныз халг тәрәфиндән мандат верилмиш шәхс халгын идарәчилијиндә сәлаһијјәтли сајыла биләр. Диҝәр тәрәфдән, бу референдум акты өлкәмизин тәрәфдар чыхдығы бејнәлхалг мүгавиләләрлә дә кәскин зиддијјәт тәшкил едир .
Президент вә парламет сечкиләриндә намизәдләрин јаш мәһдудијјәтинин арадан ҝөтүрүлмәси өлкәдә јени монархија үсулунун јарадылмасына зәмин јаратмагдан башга бир шеј дејилдир. Бундан башга, лајиһәдә инсан вә вәтәндаш һүгуг вә азадлыгларынын, мәсәлән, мүлкијјәт, сәрбәст топлашмаг, мәлумат алмаг вә с. мәһдудлашдыран диҝәр мүртәҹе дәјишикликләр дә нәзәрдә тутулмушдур. Тәәссүфләр олсун ки, Азәрбајҹан һакимијјәтинин идарәетмә үсулу Сталин принсипләриндән һеч дә фәргләнмир. Һәр нә ганун истәсәк, халга гәбул етдирә биләрик . Бу ҹүр јанашма сөзсүз ки, Азәрбајҹан халгынын әһвал-руһијјәсиндән узагдыр. 1988-ҹи илдәки Топхана, 1990-ҹы илдәки 20 Јанвар вә 2003-ҹү илдәки һадисәләрдә биз бунун шаһиди олмушуг. Үмид едирәм ки, Азәрбајҹан халгы өз мүгатәратынын һәллиндә артыг нә Гәрбдән, нә дә Шәргдән көмәк ҝөзләмәјәҹәк.
Халгымыз баша дүшүр ки, өзү өз талејинә мәсулијјәтли олмаса, сәадәт гапылары онун үзүнә ачылмајаҹаг. Референдума етираз етмәк һәр бир азәрбајҹанлынын бир вәтәндаш кими борҹудур вә бу јолун садиг јолчуларына уғурлар арзулајырам.
Диггәт: Хәбәрдән истифадә етдикдә мәнбәјә истинад лазымдыр.
_57b7fe8ce6f48.jpg)
