Әһли Бејт - АБНА – Хәбәр Аҝентлијинин вердији хәбәрә әсасән, Мүсәлман Бирлији Һәрәкатынын сәдри Талеһ Бағырзадә, АХҸП сәдринин мүавини Фуад Гәһрәманлы вә даһа 16 нәфәрин иши үзрә мәһкәмә просеси дүнән Бакы Ағыр Ҹинајәтләр Мәһкәмәсиндә давам етдирилиб. Бу ишдә дөвләт иттиһамыны мүдафиә едән ики прокурордан бири – Елчин Мәммәдов мәзунијјәтә ҝетдијиндән, ону Рамин Нағдәлијев әвәзләјиб. Бундан сонра бир сыра тәгсирләндирилән шәхсләр, о ҹүмләдән Аббас Тағызадә, Ҹаббар Ҹаббаров, Ҹаһад Бабакишизадә дөвләт һесабына онлара тәјин олунмуш вәкилләрин хидмәтиндән имтина едибләр. Билдирибләр ки, өзләри истәдикләри вәкиллә аилә үзвләри мүгавилә бағлајаҹаглар.
“Әли Һәсәновун сифариши илә телевизијада кампанија апарылыр”
Даһа сонра Тале Бағырзадә мәһкәмәдә сәсләндирдикләри фикирләрә ҝөрә телеканалларда онларын барәсиндә јајымланан материаллар, о ҹүмләдән террорчу кими тәгдим олунмаларына етиразыны билдириб. Мәһкәмәдән бу ганунсузлугларын гаршысынын алынмасы үчүн мүвафиг тәдбир ҝөрүлмәсини истәјиб: “Баша дүшүрәм ки, бизимлә бағлы һәр шеј сифаришлә һәјата кечирилир. Әли Һәсәновун сифариши илә бүтүн һәфтә әрзиндә телевизија мәканында Нардаран һадисәләри вахты олдуғу кими, бизә гаршы шәр-бөһтан кампанијасы апарылды. Һеч бир мәһкәмә һөкмү олмадан бизи ”террорчу” елан едирләр. Ҹәнаб һаким, беләдирсә, сиз јеринизи верин Әли Һәсәнова, ҝәлиб бурада бизи мүһакимә еләсин. Һамы билир ки, телевизија мәканына сифариши о верир. Һамы билир ки, бу мәһкәмә дејил, нә сифариш вериләҹәксә, о да олаҹаг. Јухарыдан јазыб ҝөндәрәҹәкләр ки, Талеһ Бағырова өмүрлүк, филанкәсә өмүрлүк, филанкәсә 20 ил…
“Хариҹдә тәһсил алдығым дөврүн сәһифәләри ағаппагдыр”
Мәни хариҹи гүввәләрлә әлагәләндирмәк истәдиләр, алынмады. Мән беш ил Ыранда, бир ил Ырагда охумушам, амма хариҹдә тәһсил алдығым дөврлә бағлы сәһифәләр о гәдәр ағаппагдыр ки, истәр ДТХ, истәрсә дә башга гурум нә гәдәр арашдырма апарса, һеч нә тапа билмәз. Әҝәр мәним кимдәнсә, 1 манат алдығымы сүбут еләсәләр, һәр шеји бојнума ҝөтүрмәјә һазырам. Анд олсун о үч көрпә баламын ҹанына ки, нә Ыранла, нә Туранла һеч бир әлагәм јохдур. Бу нә ҹәфәнҝијјатдыр? Өзләринин Ыранла ҝөзәл әлагәләри вар, мәни иттиһам едирләр.
Нардаран һадисәләриндә Әли Һәсәнов вә диҝәрләринин бармаг изләри ҝөрүнүр. Артыг баҹармырлар, чүнки бүтүн бејнәлхалг тәшкилатлар, јерли иҹтимаијјәт – һамы ҝөрдү ки, бизим ҝүнаһымыз јохдур. Она ҝөрә дә һакимијјәт башыны итириб.
Хаһиш едирәм, мәһкәмә бизә гаршы бу ҹүр ганунсузлугларын гаршысынын алынмасы барәдә ҝөстәриш версин.
Бизи 8-9 ајдыр террорчу кими тәгдим едирләр. Биз бу һакимијјәтдән чәкинмирик. Өзләри илләрдир халга зүлм еләјирләр, халгын сәсини оғурлајыб, һакимијјәтдә отурублар. Бу зүлмүн сону олаҹаг”.
“Мәһкәмәнин КИВ-ә ҝөстәриш вермәк сәлаһијјәти јохдур”
Мәһкәмә просесинә сәдрлик едән һаким Әлөвсәт Аббасов билдириб ки, мәһкәмәнин КЫВ-ә ҝөстәриш вермәк сәлаһијјәти јохдур: “Ачыг мәһкәмә просеси ҝедир. Мәсәлән, биз һесаб едирик ки, мәһкәмәни нөгтә-верҝүлүнә гәдәр вермәк дүзҝүн дејил. Амма мәһкәмә КЫВ-ә нәзарәт едән орган дејил. Ким бу иши ҝөрмәлидирсә, онлара мүраҹиәт един. Бурада бир чыхыш јолу вар – мәһкәмәни гапалы кечирмәк. Амма бунун үчүн лазым олан әсасларын һеч бири јохдур. Лакин сиз истәсәниз, вәсатәт галдырарсыз, бу мәсәләјә бахыла биләр”.
О вахт Кәрбәла мүсибәти, инди дә Нардаран мүсибәти…
Бундан сонра тәгсирләндирилән шәхсләрдән Етибар Ысмајылов ифадә вериб. Билдириб ки, 26 нојабрда һадисә баш верән евә Ымам еһсанына ҝетмишди: “О вахт Кәрбәла мүсибәти олмушду, инди Нардаран мүсибәти олду. Језидин давамчылары бизә һүҹум еләдиләр, Мәһәррәм ајында ган төкдүләр. Бизим һеч биримиздә силаһ олмајыб. Буну прокурор, мүстәнтиг јахшы билир. Силаһ сәсләри ешитдим, евин гапысындан чыханда мәни тутуб мәтбәхә атдылар, дөјә-дөјә әл-голуму бағладылар, сонра да тулладылар мебел машынынын ичинә, орада дөјмәјә башладылар. ”Дөјүлмәк” јүнҝүл сөздү. Автоматын гундағы илә елә вурурдулар ки, елә бил дүшмәник. Фәраһим гардашымызы машында дөјә-дөјә өлдүрдүләр. Әли архамда иди, мәним үстүмә чыхыб тәпиклә онун ағзына елә вурдулар ки, додағы партды. Машында дедиләр ки, ики полис јараланыб, онлар өлсә, ҝөрүн сизи нејләјәҹәјик. Дедик ки, өзүнүз еләмисиз дә…
“Бандит бизи тутуб бура салан, о зүлмү верәнләрдир”
Бизи “бандотдел”ә апардылар, 30 нәфәр дә ҝүлмәшәкәр орада ҝөзләјирди. Чатан кими, орада һәјәтдә чиләмә әмәлијјаты ҝетди. Әввәлҹә бурнуму әзмишдиләр, сонра ҝөзүмүн алтыны, һәјәтдә дә дишләрими төкдүләр. Машындан ашағы елә атырдылар ки, елә бил картоф кисәләриди. Сонра бизи һәјәтдә үзү дивара јығдылар, “дубинка”, тәпиклә дөјмәјә башладылар. Шалвар-көјнәјимиз, һәтта ајаггабымыз да ган ичиндә иди. Дејирләр ки, үстүмүздә гумбара олуб. Әҝәр бизим террор еләмәк фикримиз вардыса, үстүмүздә гумбара олубса, нијә атмамышыг? Дејирләр ки, орада Ф-1 гумбарасы партлајыб, гәлпәләри ики нәфәрә дәјиб. Мән Гарабағ дөјүшләриндә иштирак етмишәм. Әҝәр Ф-1 гумбарасы партласајды, о, 200 метрә гәдәр јајылыр. Евдә еһсана ҝөрә картоф-соған кисәси олуб, бәлкә ону силаһла сәһв салыблар? Биз һамымыз тәзјиг алтында сәнәдләри имзаламышыг. Ҝөзләрим зәиф ҝөрүр, верибләр ки, имзала. Ҝуја, үстүмдән гумбара чыхыб, китабча олуб. Мән һеч кимтабчанын үзүнү ҝөрмәмишәм. Бандит бизи тутуб бура салан, о зүлмү верәнләрдир. Ҝәлиб бурада ҹаваб версинләр”.
Е.Ысмајылов дејир ки, она ифадәјә гол чәкдирәркән јанында вәкил олмајыб: “Мәһкәмәјә санксија алмаг үчүн апаранда бизи бәј кими бәзәдиләр. Мән нојабрын 26-дан декабрын ахырына гәдәр ”бандотдел”дә сахладылар”.
Е.Ысмајылов ону да гејд едиб ки, Талеһ Бағырову һиҹаба гадаға илә әлагәдар Тәһсил Назирлијинин гаршысында кечирилән аксијадан таныјыб: “О, гәдәмини гојдуғу јерә башымы гојарам”.
“Ишҝәнҹә илә алынан ифадәләр сүбут сајыла билмәз”
Бундан сонра вәкил Немәт Кәримли билдириб ки, тәгсирләндирилән шәхсдән ганунсуз јолла алынмыш ифадә сүбут сајыла билмәз вә ҹинајәт ишинә хитам верилмәси үчүн әсасдыр. Вәкил Е.Ысмајыловдан ифадәнин ишҝәнҹә јолу илә алындығыны әсас ҝәтирәрәк, онун етибарсыз сајылмасы вә сүбутлар сијаһысындан хариҹ едилмәси барәдә вәсатәт галдырыб.
Мәһкәмә вәсатәтин бахылмамыш сахланылмасына гәрар вериб. Һаким билдириб ки, бу, сонда мәһкәмәнин мүшавирә отағында гијмәт верәҹәји мәсәләдир.
Вәкил мәһкәмәјә дустагла “воронок”да ҝедиб…
Диҝәр тәгсирләндирилән Бәһруз Әсҝәров да ифадәсиндә билдириб ки, полисләр намаз вахты силаһлы һүҹум едибләр. Өзү дә һадисә заманы ајағындан ҝүллә јарасы алыб: “Бир һиссә дарвазадан һүҹум еләди, бир һиссәси дә һасарлардан. Ата-ата һүҹум еләдиләр. Әсасән, һасардакылар атырды. Габагдакылар гышгырды ки, ”ҝүлләни сәпәләмәјин, өзүмүзүнкүләрә дәјир”. Мәнә дә ҝүллә дәјди. Амма мәни дә тутуб јерә узатмышдылар, һәмин вахт Һаҹы Әбүлфәзи (евин саһиби) ҝөрдүм, бир дә Сарваны (һадисә нәтиҹәсиндә өләнләрдән бири). Гадынлар да әлләриндә Гуран, ағлаја-ағлаја чыхдылар бунларын габағына. Гадынлары итәләјәндә Сарван гышгырды ки, бу нә гејрәтсизликди сиз еләјирсиз? Сарван габаға ҝедәндә ону вурдулар. Анд олсун Аллаһа, Сарванын әлиндә һеч нә јох иди. Аз сонра гышгырдылар ки, “Әмәлијјат гуртарды, јығышын!” Һәмин вахт ајағымдан ган ахырды. Сарванын да вәзијјәти ағыр иди. Онлар чыхыб ҝедәндән сонра бизи Фәрһад Балајев әввәлҹә кәнддәки тибб мәнтәгәсинә, орадан да тәҹили јардымла Сабунчу хәстәханасына апардылар. Хәстәхананын һәјәтиндә билдим ки, Сарван өлүб. Мәни әмәлијјата салдылар, бир дә ајылдым ки, лләрим гандаллыдыр, чарпајыја бағлајыблар. 9 ҝүн реанимасијада галдым, башымызын үстүндәки полисләр инсан мәнәвијјатына сығмајан сөјүшләр сөјүрдүләр. Хәстәханада мүстәнтиг мәни алдатды ки, “сәнлик бир шеј јохдур, сәни бурахаҹаглар, әсас Талеһ иди, ону да тутублар, сән садәҹә, бура гол чәк, бир нечә ҝүнә чыхыб ҝедирсән”. Мән дә инандым. Әҝәр мән ҹинајәткар олсајдым, һеч хәстәханаја ҝетмәздим, гачардым. Мәни санксија үчүн мәһкәмәјә апаранда вәкил мәнимлә “воронок”да ҝедирди, о, мәнә изаһ еләди ки, үзәримә нә иттиһамлар гојублар”.
Б.Әсҝәров да иттиһамларын јалан олдуғуну дејир: “Аллаһа анд олсун, һамысы шәр-бөһтанды. Орада һеч кимин әлиндә гумбара-филан олмајыб. Мәнә јаздырсаг истәјирдиләр ки, онларла мәхфи әмәкдашлыг едәҹәјәм, бунун үчүн мәнә олмазын ишҝәнҹәләрини вердиләр. Ыки ај ајағым ҝипсдә галды, ади ағрыкәсиҹи вермирдиләр, бахмырдылар. Јејиб-ичмирдим, чүнки тәбии еһтијаҹларымы өзүм өдәјә билмирдим. Ынди дә ајағымда ҝүллә галыб, мәнә ағры верир. Бу исти һаваларда да ајағым үшүјүр.
Ыкинҹи дәфә һәбс мүддәтинин узадылмасы үчүн мәни мәһкәмәјә апаранда мәнә зүлм еләмиш полисләрдән бири орада ҝөрдү, деди ки, “бағышла, гарғыш еләмә мәнә”. Дедим ки, онсуз да сәни Аллаһ ҹәзаландыраҹаг, амма мәним истәдијим одур ки, Аллаһ сәни һидајәт еләсин, сәнин аиләнин-ушағынын нә ҝүнаһы вар ки, сәнә ҝөрә әзијјәт чәксин?”
“Әл бармагларымын үстүнә стулун ајағыны гојуб отурурдулар”
Тәгсирләндирилән шәхсләрдән Балајев Фәрһад да диндирилиб. О, јаралылары хәстәханаја апарыб вә орада тутулуб: “Ҝөзләрини јумуб һара ҝәлди атырдылар. Әкбәри вуранда ҝөрдүм. Ев саһиби Әбүлфәз Бүнјадову ҝүллә илә вуруб јыхдылар, сонра башладылар тәпикләмәјә. Биз тәрәфдән һеч кимин әлиндә силаһ, гумбара олмајыб. Сарван гоһумумду, јолда ган итирмәдән өлдү, хәстәханада ону мејитханаја тәһвил вердим, Бәһрузу да ҹәрраһијјә отағына салдылар. Елә мејитхананын јанында ҝәлиб әлими гандалладылар, кәнардакы дәмирә бағладылар”.
26 нојабрда һадисә баш верән евә илк дәфә ҝетдијини вә мәгсәдинин дә еһсан сүфрәсиндә иштирак олдуғуну дејән Фәрһад Балајевин сөзләринә ҝөрә, узун мүддәт јахынлары онун сағ олуб-олмадығыны билмәјибләр. О да ишҝәнҹәләрә мәруз галдығыны билдириб: “Бандотдел”дә 5-ҹи мәртәбәдә мејитими сәрәндән сонра ифадә алыблар мәндән. Олмајан шејләри бојнума алмағым үчүн ишҝәнҹә верирдиләр. Мәни узадыб, әл бармагларымын үстүнә стулун ајағыны гојурдулар, үстүндә дә отурурдулар. Елә һәрәкәтләр, тәһгиредиҹи әмәлләр еләмишдиләр ки, дилимә ҝәтирмәк истәмирәм. Елә ишҝәнҹә вермишдиләр ки, камерада дуруб стола јахынлаша билмирдим, имәкләјә-имәкләјә ҝедирдим. Мәнә “бандотдел”дә рәһбәрләрдән дә ишҝәнҹә верәнләр олмушду. Сәһв еләмирәмсә, биринин ады Һаҹы Тејјуб иди.
Мәни диндирәндә вәкил олмајыб. Вәкилин үзүнү илк дәфә һәбс санксијасы үчүн мәһкәмәјә апарыланда орада ҝөрмүшәм. Бир дәфә дә Күрдәханыја ҝәлди, сигарет чәкиб ҝетди”.
Ф.Балајев суаллары ҹавабландыраркән гејд едиб ки, Мүсәлман Бирлији Һәрәкатынын үзвү олмајыб: “Амма олмаг истәрдим”.
Үч ҝүлләдән икиси һәлә дә бәдәниндәди…
Тәгсирләндирилән Шамил Абдуләлијев дә ифадә вериб. Әл ағаҹлары олмадан һәрәкәт едә билмәјән Абдуләлијев билдириб ки, һадисә заманы бири гарнындан, икиси дә ајағындан олмагла, үч ҝүллә јарасы алыб. Ҝүлләләрин икиси һәлә дә бәдәниндәдир: “Сабунчу хәстәханасында һәкимләрдән ешитдим ки, полисләр бәдәнимдән ҝүлләләри чыхармаға имкан вермәјибләр”.
“Нардаранда еһсана ҝетдијимә ҝөрә Ҝөмрүк Комитәсиндән чыхарылдым”
Һәбсиндән әввәл Дөвләт Ҝөмрүк Комитәсинин әмәкдашы олдуғуну дејән Ш.Абдуләлијев ифадәсинә өзү дә дахил олмагла, тәгсирләндирилән шәхсләрин јахынларына мүраҹиәтлә башлајыб: “Хош сизин һалыныза ки, бизим кими әзизләриниз, өвладларыныз вар. Бизә гаршы иттиһамлар башдан-ајаға бөһтандыр. Бу һадисәләри һакимијјәтдәки мәнфур групларын диндарларын сыхышдырылмасы, һаггы дејәнләрин ләкәләниб зинданлара атылмасы үчүн атдыглары аддым кими гијмәтләндирирәм.
Һадисәдән әввәл Дөвләт Ҝөмрүк Комитәсиндә ишләјирдим. Комитәнин ајырдығы автомобиллә иш вахты бу гурумун ишләрини ҝөрүрдүм, ишдән сонра да өзүм истифадә едирдим. Мәһәррәм ајы илә әлагәдар Нардаранда Һаҹы Талеһин иштиракы илә әзадарлыг мәҹлиси кечирилдијини ешидиб ора ҝетмишдим. Кәнд ҹамааты еһсан сүфрәсинә дәвәт еләди. Мән дә иштирак еләдим, гајытдым. Ертәси ҝүн ишә ҝедәндә Кадрлар Ыдарәсиндән чағырыб ишдән азад едилмәјим барәдә сәнәди имзаламағымы истәдиләр. Сәбәби сорушанда ҹаваб мәни тәәҹҹүбләндирди, һәм дә нараһат еләди. Мәнә сәбәб кими, Нардаранда олмағымы ҝөстәрдиләр. Ымзаны атдым, машынларыны да өзләринә вериб чыхыб ҝәлдим. Бу, биринҹи нөвбәдә өзүмә вә инсанлара гаршы һагсызлыгдыр. Ынсаны һансыса мәҹлисдә иштиракына, о мәҹлисдә киминсә нәдәсә ҝүнаһландырылмасына гулаг асдығына ҝөрә ишдән чыхармаг нәјә сығар? Бу һәм инсан һагларынын кобуд шәкилдә тапданмасы, һәм дә Әмәк Мәҹәлләсинин позулмасыдыр. Сорушдум ки, Нардаранда иштиракым барәдә мәлуматы сизә ким вериб? Дедиләр ки, һүгуг-мүһафизә органлары. Мәни инди иттиһамда мүтәшәккил дәстәнин үзвү кими јазыблар. Әҝәр белә идисә, о заман нијә ишдән чыхандан сонра Нардаран һадисәсинә гәдәр олан 10-15 ҝүн әрзиндә бир дәфә дә олсун, мәни полис шөбәсинә чағырмадылар, өзләринә хас шәкилдә оғурлајыб һәбс еләмәдиләр? Бизә гаршы ирәли сүрүлән мүтәшәккил дәстә иттиһамы абсурдду. Чүнки бурадакыларын әксәријјәти бир-бирини танымыр”.
“Мәнә үч ҝүллә вурдулар, јыхыландан сонра да јердә дәјәнәклә дөјдүләр”
Ш.Абдуләлијев билдириб ки, ибтидаи истинтагдакы ифадәләр ондан тәзјиг јолу илә алыныб вә онлары тәсдигләмир. Һадисә барәдә данышан Абдуләлијев гејд едиб ки, һәмин ҝүн дә еһсан мәҹлисинә ҝетмишди: “Ҝүнорта намазы гылырдыг ки, чөлдән атәш сәсләри ҝәлди. Һеч ким нә баш вердијини анламады. Кими гапыдан, кими пәнҹәрәдән гачды ки, нә баш вердијини анласын вә ја ҹаныны гуртарсын. Чүнки еви атәшә тутмушдулар. Зомби, мангуртлашмыш, програмлашдырылмыш ҹаниләр һеч нәјә бахмадан атәш ачырды. Мән инди елә бир дурумдајам ки, әслиндә зәрәрчәкмиш олмалыјам. Һамымыз бу дурумдајыг, чүнки ҝүнаһымыз јохдур, үстәлик, бизә гаршы ҹинајәт төрәдилиб. Орадакы инсанларын һеч бириндә силаһ олмајыб. Ыттиһамда ҝөстәрилән фикирләрин һеч биринин дә бизә аидијјәти јохдур. Амма тәәссүф ки, бурада тәгсирләндирилән гисминдә дајанмышыг. Әҝәр сивил шәкилдә һәрәкәт етмәјә ҝәлмишдиләрсә, мебел машынында нијә ҝәлирдиләр?
Гапыдан чыхмаг истәјәндә үзбәүз ҝәлән зомбиләрдән бири үч ҝүллә вурду вә һеч нә олмамыш кими үзүнү чевириб ҝетди. Јерә јыхылдым, ондан сонра да о вәзијјәтдә јердә дәјәнәклә дөјүрдүләр. Һаҹы Талеһ вә диҝәр өзләринә лазым олан адамлары ҝөтүрүб ҝетдиләр, јарадылар галды. Мәни кәнд ҹамааты машынла хәстәханаја чатдырды, әмәлијјат олундум, ики-үч ҝүн сонра ДЫН, прокурорлуг вә “бандотдел”дән һәрәсиндән бир нәфәр олмагла, үә адам ҝәлиб мәни о ағыр вәзијјәтдә реанимасијадан чыхарыб бир отаға апардылар. Мәни апаранда һеч дүз-әмәлли наркоздан ајылмамышдым. Бу да вәһшилијин ҝөстәриҹисиди. Отагда истәдикләрини јазыб, имзалатдырдылар.
Ҝүлләләрин икиси һәлә дә бәдәнимдәди. Һәтта һәбс санксијасы үчүн мәһкәмәјә чыхарыланда да һаким деди ки, бу адама тибби јардым ҝөстәрилмәлидир. Бәдәнимдәки ҝүлләләрдән әзијјәт чәкирәм.
“Бу вәзијјәтдә мәни ики ај да ”карс”да сахладылар”
Вәкилим бурада мәһкәмәдә һәбс-гәтимкан тәдбиринин ев дустаглығы илә әвәз олунмасы барәдә вәсатәт галдыранда прокурор деди ки, Пенитенсиар Хидмәтин Мүалиҹә Мүәссисәси вар, орада тибби јардым ҝөстәрилә биләр. Мән ај јарым Сабунчу хәстәханасында галмышам, орадан санксија үчүн мәһкәмәјә чыхарыб, сонра Пенитенсиар Хидмәтин Мүалиҹә Мүәссисәсинә апарыблар. Мәни мәһкәмәјә хәрәкдә апармышдылар. Сонра вәкиллә, мүстәнтиглә ҝөрүшә дә хәрәкдә апарырдылар. Тәсәввүр един, бу вәзијјәтдә мәни орада ики ај “карс”да сахладылар. Бунлар о гәдәр залымдылар ки, адам демәјә сөз тапа билмир”.
“Онлары ләнәтләјирәм”
Ш.Абдуләлијев дејир ки, она физики ишҝәнҹә верилмәјиб, “бандотдел”ә апарылмајыб. Амма Сабунчу хәстәханасында олдуғу мүддәтдә ҝеҹәләр Баш Мүтәшәккил Ҹинајәткарлыгла Мүбаризә Ыдарәсинин әмәкдашлары ҝәлиб ону һәдәләјибләр: “Ҹинајәткарлар јатдығым вахт ҝәлиб мәни өлүмлә һәдәләјирдиләр. Мәнә ишҝәнҹә верилмәсә дә, јолдашларыма гаршы етдикләри ҹинајәтләрә ҝөрә онлары ләнәтләјирәм вә ҹәзаландырылмаларыны тәләб едирәм”.
Өзүнүн дә Һәҹҹ, Мәшһәд зијарәтләриндә олдуғуну дејән Ш.Абдуләлијев гејд едиб ки, Т.Бағыровун иштирак етдији мәҹлисләрдә дөвләт чеврилиши, дөвләтин конститусион гурулушунун дәјишдирилмәси һагда һеч нә ешитмәјиб: “Бунлар һамысы шәр-бөһтанды. Евә һүҹумдан тутмуш, инсанларын зиндана атылмасына гәдәр һәр шеј мәгсәдјөнлү шәкилдә едилиб. Ынсанларын конститусион һаггыны тәләб етмәси нә вахтдан ҹинајәт сајылыр? Талеһ Бағырзадәни дә инсанларын тапданмыш һүгугларыны мүдафиә етмәси, һиҹаб гадағасы илә бағлы фикирләринә ҝөрә дәстәкләјирәм”.
Нөвбәти просес августун 11-и саат 10.30-да башлајаҹаг.
Диггәт: Хәбәрдән истифадә етдикдә мәнбәјә истинад лазымдыр.
