Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бакы Апеллјасија Мәһкәмәсиндә Зүлфүгар Сәдрәддин оғлу Микајыловун барәсиндә сечилмиш һәбс гәтимкан тәдбиринин узадылмасы илә бағлы мәһкәмә гәрарындан верилән апеллјасија шикајәтинә бахылыб.
“Репорт”ун мәлуматына ҝөрә, һаким Мирпаша Һүсејновун сәдрлији илә кечирилән просесдә гәрар елан олунуб.
Гәрара әсасән, З.Микајыловун апеллјасија шикајәти тәмин едилмәјиб. Биринҹи инстасија мәһкәмәсинин чыхардығы гәрар гүввәдә сахланылыб.
Хатырладаг ки, өтән һәфтә Нәсими Рајон Мәһкәмәсиндә З. Микајыловун барәсиндә сечилмиш һәбс гәтимкан тәдбиринин узадылмасы илә бағлы истинтаг органынын вердији тәгдимата бахылыб. Истинтаг органынын вердији тәгдимат тәмин олунуб вә З.Микајылов барәсиндә сечилмиш һәбс гәтимкан тәдбиринин мүддәти 4 ај артырылыб.
Гејд едәк ки, Дахили Ишләр Назирлији (ДИН) 2015-ҹи ил нојабрын 26-да Бакы шәһәри Сабунчу рајонунун Нардаран гәсәбәсиндә хүсуси әмәлијјат кечирилиб. ДИН билдиришинә ҝөрә, әмәлијјата бир-баша Илһам Әлијев башчылыг едиб. Елә һәмин ҝүн, полис гүввәләри Бакы вахты илә 14:30 радәләриндә Һаҹы Зүлфүгар Микајылзадәнин Хырдаландакы мәнзилинә ганунсуз олараг сохулараг, З. Микајылзадәни евдән ҝөтүрүб зорла намәлум истигамәтә апарыблар.
Диггәт: Хәбәрдән истифадә етдикдә мәнбәјә истинад лазымдыр
