Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Австријанын пајтахты Вјанада мигрант тәрәфдары груплар радикал сағчыларын јүрүшүнә мане олуб.
Радикал сағчыларын формалашдырдығы "Кимлик һәрәкаты" нын үзвләри террор һадисәләринә вә мигрантлара етираз етмәк үчүн Кристиан Брода Платз мејданына топлашыблар. Онлар мигрантларын уҹбатындан Авропада низамын позулмасыны, террорун, зоракылығын артмасыны дәлил ҝәтирәрәк чох мәдәнијјәтлилијин вә исламлашманын дајандыылмасыны тәләб едибләр.
Тәхминән 100 нәфәрдән ибарәт груп Јашыллар партијасынын мәркәзинә јүрүш етмәк истәјибләр. Бундан хәбәр тутан 700 нәфәрлик мигрант тәрәфдары олан груп онларын гаршысыны кәсиб. Онлар " фашистләрин јүрүшүнә әсла имкан вермәјәҹәјик" дејә шүарлар сәсләндирибләр. Аз сонра митинг дағылыб. Митинг заманы һәддиндән артыг тәһлүкәсизлик тәдбирләри ҝөрүлүб.
Диггәт: Хәбәрдән истифадә етдикдә мәнбәјә истинад лазымдыр
_57961fc709609_5799b35217d80.jpg)
