Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹанын танынмыш Илаһијјатчысы Сејјид Елман Ағазадәнин вәкили Акиф Әлијев мүвәккили һагда мәлунат вериб.
Вәкил илдириб ки, Илаһијјатчы Елман Ағазадә апеллјасија шикајәти вериб.
Вәкили Акиф Әлијев вердији ачыгламасында билдириб: “Нардаран һадисәләри илә бағлы Ләнкәранда тутулан илаһијјатчы Елман Сејдәмир оғлу Ағазадәнин барәсиндә сечилмиш һәбс гәтимкан тәдбиринин узадылмасы илә бағлы мәһкәмә гәрарындан апеллјасија шикајәти верилиб. Вә јахын ҝүнләрдә тәгдим едилән апеллјасија шикајәтинә бахылаҹаг.”
Хатырладаг ки, өтән һәфтә Нәсими Рајон Мәһкәмәсиндә Елман Ағазадәнин барәсиндә сечилмиш һәбс гәтимкан тәдбиринин узадылмасы илә бағлы истинтаг органынын вердији тәгдимата бахылыб.
Мәһкәмә онун барәсиндә сечилмиш һәбс гәтимкан тәдбирини 3 ај 25 ҝүн мүддәтинә артырыб. Гәрардан наразы галан Е.Ағазадә апеллјасија шикајәти вериб.
Хатырладаг ки, Дахили Ишләр Назирлији (ДИН) бирбаша Илһам Әлијевин башчылығы илә 2015-ҹи ил нојабрын 26-да Бакы шәһәринин Нардаран гәсәбәсиндә әмәлијјат кечириб.
Нардаран һадисәләри заманы 2-си полис олмагла 7 нәфәр Шәһид олуб. Шәһид олан ики полис ишчисинин әмәкдашлары тәрәфиндән һәлак едилдији ортаја чыхыб. Һәмин ҝүн Тале Бағырзадә вә онун 14 тәрәфдары һәбс едилиб.
Сонрадан прокурорлуг билдирди ки, «Мүсәлман Бирлији» Һәрәкатына ҝөрә, үмумиликдә 70 нәфәр шәхс һәбс олунуб. Онлардан даһа јүнҝүл маддәләрлә иттиһам едиләнләрдән бир чохунун мәһкәмәси бир мүддәт өнҹә башлајыб. Бәзиләринә 1 ил 6 ајдан, 2 ил 6 аја гәдәр һәбс ҹәзасы верилиб.
Диггәт: Хәбәрдән истифадә етдикдә мәнбәјә истинад лазымдыр
