Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сәудијјә Әрәбистан полиси дөғма анасынын башыны кәсән вә атасы илә өз гардашларыны јаралајан ики әкиз гардашлары јахалајыб.
әл Ријад газети бу һагда јазыб: “Сәудијјә әрәбистан полиси Ҹүмә ҝүнү сәһәр радәләриндә пајтахт Ријадын Һәмра мәнтәгәсиндә бычагла аналарынын башыны кәсәрәк даһа сонра аталары илә азјашлы гардашларыны өлүмҹүл јаралајан сәләфи әгидәли әкиз гардашлары һәбс едиб.”
әл Ријад газети сәләфи әкиз гардашларын адларыны ачыгламаса да лакин онларын шәкилләрини пајлашыб.
Гејд олунур ки, әкиз сәләфи гардашлар Әрәбистанын ҹәнубуна гачараг Јәмәндә фәалијјәт ҝөстәрән сәләфи террор групларына гошулмаға сәј ҝөстәрирмишләр. Лакин валидејнләри бу ишә мане олурмушлар. Буна ҝөрә дә, онлар сәләфи мүфтиләринин шејтани фәтваларына истинад едәрәк валидејнләрини, һәтта азјашы гардашларыны өлдүрмәк гәрарына ҝәлирләр.
Билдирәк ки, сәләфи шејтани мүфтиләр ел арасында мәһшур олан الاقربون اولی بالمعروف– јәни “јахынларынызы јахшы ишләрә дәвәт етмәк даһа лаигдир” сөзүндән суистифадә едәрәк Сүнни дүнјасында Шиәләри өлдүрмәјә һазыр олмајан, террор груплашмаларыны гәбул етмәјән вә онлара гошулмајан кәсләрин өз јахынлары тәрәфиндән өлдүрүлмәсинә фәтва верибләр.
Диггәт: Хәбәрдән истифадә етдикдә мәнбәјә истинад лазымдыр
